Qazaqstanda Parlament Májilisi men máslihattar depýtattarynyń kezekti sailaýy 2021 jyly 10 qańtarda ótedi. Belsendi sailaý quqyǵyna ie, sailaý kúni 18 jasqa tolǵan el azamattary óz tańdaýyn jasai alady, dep habarlaidy "Ult aqparat".
Sailaýshylar turǵylyqty jeri boiynsha daýys bere alady. Sailaýshylar tizimin jergilikti atqarýshy organdar qurady. Sondyqtan daýys beretin ýchaskeni aldyn ala bilip alý mańyzdy.
Nur-Sultan turǵyndary óziniń sailaý ýchaskesin (JSN, tegi, aty, ákesiniń aty jáne týǵan kúni nemese sailaýshy tirkelgen obektiniń (kóshe, úi) mekenjaiyn kórsetý arqyly) kelesi arnalar arqyly bile alady:
1. Ákimdiktiń astana.gov.kz veb-portaly. Basty bette «Óz sailaý ýchaskeńdi tap» bannerin basý kerek.
2. «Smart Astana» mobildi qosymshasy («Qalalyq qyzmetter» bóliminde);
3. @smartastana_bot Telegram-boty arqyly («Qyzmetter» bóliminde).
Bul bailanys arnalary arqyly sailaý ýchaskesiniń nómirin, ortalyqtyń mekenjaiy men ataýyn, sondai-aq kartada sailaý ýchaskesi ornalasqan jerdiń belgisin bilýge bolady.
Sondai-aq internetke kire almaityn adamdar úshin iKomek 109 biryńǵai bailanys ortalyǵy jumys isteidi.
Esterińizge sala keteiik, elordada sailaý qarsańynda «Belsendi sailaýshy» aktsiiasy bastaldy, onyń nátijeleri 5 qańtarda shyǵarylady. Aktsiia sharttaryna sáikes, sailaý ýchaskelerin onlain-qyzmetter arqyly teksergen árbir bes myńynshy qoldanýshy estelik syilyqtarǵa ie bolady.
