Búgin 9 qańtar QR Parlamenti men jergilikti máslihattar depýtattaryn sailaý aldyndaǵy «tynyshtyq» kúni. Bul kúni sailaýǵa túsip jatqan saiasi partiialardyń úgit júrgizýine tyiym salynǵan, dep habarlaidy "Ult aqparat".
«Sailaý kúni jáne onyń aldyndaǵy kúni sailaý aldyndaǵy kez kelgen úgitke tyiym salynady. Ol - tynyshtyq kúni. Sailaý komissiialarynyń úi-jaiynan jáne daýys berýge arnalǵan úi-jaidan tys jerlerde buryn ilingen basqa da úgit materialdary burynǵy oryndarynda saqtalýy múmkin. Internet jelisinde burynyraqta jariialanǵan úgit materialdary burynǵy ornynda saqtalýy múmkin. Buryn jariialanǵan materialdardy internet-resýrstyń basty betine shyǵarýǵa ruqsat berilmeidi», - degen edi taiaýda QR Ortalyq sailaý komissiiasynyń múshesi Anastasiia Shegortsova.
Onyń atap ótýinshe, úgit jumystarynyń tártibi buzylǵan jaǵdaida quqyqtyq jaýapkershilik qarastyrylǵan. Tipti saiasi partiialar óreskel qatelikke jol bergen jaǵdaida olardy partiialyq tizimnen shyǵarýǵa deiingi shara qabyldanýy múmkin.
Esterińizge sala ketsek, 2020 jyldyń 10 jeltoqsanynda jergilikti ýaqyt boiynsha 18-00-de 2021 jyldyń 10 qańtaryna taǵaiyndalǵan QR Parlamenti Májilisiniń jáne jergilikti máslihattardyń depýtattyǵyna kandidattardyń partiialyq tizim usynǵan partiialardyń úgit jumystary bastalǵan bolatyn.
Konstitýtsiialyq merzimge sai ótkizgeli otyrǵan Májilis sailaýyna elimizde tirkelgen 5 saiasi partiia, atap aitqanda, «Aýyl» halyqtyq-demokratiialyq patriottyq partiiasy, «Nur Otan» partiiasy, «ADAL» saiasi partiiasy, Qazaqstannyń «Aq jol» demokratiialyq partiiasy, «Qazaqstannyń Halyq partiiasy» kandidattardyń partiialyq tizimderin usyndy, Olardy elimizdiń Ortalyq sailaý komissiiasy tirkedi. Barlyǵy - 312 kandidat, onyń ishinde: «Aýyl» halyqtyq-demokratiialyq patriottyq partiiasynan - 19; «Nur Otan» partiiasynan - 126; «ADAL» saiasi partiiasynan - 16; Qazaqstannyń «Aq jol» demokratiialyq partiiasynan - 38 jáne «Qazaqstannyń Halyq partiiasynan» - 113 adam.
