QR Ortalyq sailaý komissiiasy 11 qarashada ótetin kandidattardyń sailaý aldyndaǵy televiziialyq pikirsaiysynda qandai máselelerdi talqylaýǵa bolmaitynyn túsindirdi, dep habarlaidy QazAqparat.
OSK múshesi Anastasiia Shegortsovanyń atap ótýinshe, komissiia tarapynan 2022 jylǵy 20 qarashaǵa belgilengen kezekten tys prezident sailaýynda sailaý aldyndaǵy televiziialyq pikirsaiystar men pikirtalastardy ótkizý reglamenti kelisilgen.
«Sailaý aldyndaǵy televiziialyq pikirtalastardy ótkizý barysynda konstitýtsiialyq qurylysty kúshtep ózgertýdi, Qazaqstan Respýblikasynyń tutastyǵyn buzýdy, memleket qaýipsizdigine nuqsan keltirýdi, áleýmettik, násildik, ulttyq, dini, tektik-toptyq, tektik alaýyzdyqty, zorlyq-zombylyq qatygezdigine tabynýdy qozdyrýdy, sondai-aq zańnamada kózdelmegen áskerilendirilgen quralymdardy qurýdy nasihattaýǵa jáne úgitteýge jol berilmeidi. Bul osy pikirtalastarda talqylaýǵa qoiylatyn jalǵyz shekteý ǵana. Qalǵanynyń bári, iaǵni zań aiasynda kez kelgen suraqtar qoiylýy múmkin», - dedi Anastasiia Shegortsova.
