Qazaqstan Prezidenttigine kandidat Meiram Qajyken Aqtóbedegi "StroiDetal" JShS qyzmetkerlerimen kezdesti.
Ol óziniń sailaýaldy baǵdarlamasyn tanystyrý barysynda, áleýmettik áriptestik institýtyn damytýdyń, táýelsiz kásipodaqtar mártebesin kóterýdiń, ekonomika men eńbekaqy tóleý júiesin reformalaýdyń mańyzdylyǵyn atap ótti.
Aita keteiik, qazirde kásiporynda 500-den astam adam jumys isteidi, olardyń 90% - kásipodaqta. Osyǵan bailanysty kandidat eńbekshilerdiń múddelerin qorǵaityn uiymdardyń mártebesin kóterýge jáne jalaqyny esepteýge basa nazar aýdardy.
«Biz bárimiz joǵary tabys alǵymyz keledi. Bul biz úshin kiris bolsa, jumys berýshi úshin shyǵyndar. Sondyqtan jalaqy qandai bolýy kerek, ony qalai kóbeitýge bolatynyn talqylaý kerek. Bul máseleni salalyq deńgeide sheshý qajet. Ol úshin qyzmetkerler óz quqyqtaryn qorǵaý maqsatynda kásipkerler jáne jumys berýshilermen birlesip eńbekaqy tóleý júiesin ázirleitin salalyq kásipodaqtarǵa senip tapsyrýy tiis», - dep atap ótti M.Qajyken.
Kandidat «kásipodaqtar arasynan usynyldym, demek, barlyq jumysshylar kótergen máselelerdi sheshýge bailanysty jaýapkershilik arqalaimyn» dedi.
Kásiporyn qyzmetkerleri Meiram Qajykennen partiiaǵa qatystylyǵy týraly surady.
«Men kópten beri eshqandai partiiada bolmadym. Jas kezimde komsomolǵa, sodan keiin kompartiiaǵa qosyldym, biraq onda qysqa merzim boldy. Al qazir eshqandai partiianyń múddesin qorǵamaimyn», - dedi ol.
Áleýmettik taqyryptar týraly aita otyryp, úmitker sapaly jáne qoljetimdi bilim berýdi, densaýlyq saqtaý salasyn qarjylandyrýdy jáne áleýmettik jaǵdaiy joq otbasylarǵa turǵyn úi berýdi jaqtady.
Kásiporyn qyzmetkerlerinen Qazaqstannyń syrtqy saiasaty týraly másele kóterildi.
«Qazir ainala tynysh emes. Muny moiyndaý kerek. Qazaqstan ekonomikalyq jaǵynan da, saiasi jáne áskeri jaǵynan da myqty el bolýy tiis», - dep jaýap berdi M.Qajyken.
Úmitkerdi shyǵaryp sala otyryp, zaýyt qyzmetkerleri oǵan tabys tiledi.
Shtabtyń baspasóz qyzmeti
