Shetelde júrgen 4 532 Qazaqstan azamaty daýys berdi. Bul týraly QR Syrtqy ister ministriniń birinshi orynbasary Shahrat Nuryshev aitty, dep habarlaidy "Ult aqparat".
«Qazaqstan Respýblikasyndaǵy sailaý týraly» konstitýtsiialyq zańǵa sáikes, daýys berý jergilikti ýaqyt boiynsha saǵat 07-00-den 20-00-ge deiin ótkiziledi. Saǵat 19-00-degi jaǵdai boiynsha shetelde jalpy alǵanda 4 532 Qazaqstan azamaty daýys berdi. Túrli ýaqyt beldeýlerinde ornalasýyn eskere otyryp, Japoniia men Koreia Respýblikasynda júrgen azamattar birinshi bolyp daýys berdi», - dedi ol.
Onyń atap ótýinshe, qazirgi ýaqytta 10 sailaý ýchaskesinde daýys berý aiaqtaldy. Qalǵan 56 sailaý ýchaskesinde daýys berý jalǵasyp jatyr.
«Sońǵy bolyp osy jyldyń 11 qańtarynda Nur-Sultan ýaqyty boiynsha tańǵy saǵat 07-00-de Amerika Qurama Shtattary men Kanadaǵy Qazaqstan azamattary daýys berýdi aiaqtaidy», - dedi Shahrat Nuryshev.
