Búgin Májilis Tóraǵasy Nurlan Nyǵmatýlin Parlament Májilisiniń jáne máslihat depýtattarynyń sailaýyna qatysyp, Nur-Sultan qalasyndaǵy Ulttyq kitaphanada ornalasqan №111 sailaý ýchaskesinde daýys berdi, dep habarlaidy "Ult aqparat".
Nurlan Nyǵmatýlin sailaýda qazaqstandyqtar ózderiniń aýyzbirshiligi men yntymaǵyn kórsetetinin alǵa tarta kele:
«Búgin óz tańdaýymdy jasadym. Men memleketimizdiń turaqty damýy úshin, halqymyzdyń sapaly ómiri úshin, balalarymyzdyń jarqyn bolashaǵy úshin daýys berdim» - dedi.
Aita ketý kerek, Májilistiń 98 depýtaty saiasi partiialardan partiialyq tizimder boiynsha jalpyǵa birdei, teń jáne tóte sailaý quqyǵy negizinde jasyryn daýys berý arqyly sailanady. Májilistiń 9 depýtatyn Qazaqstan halqy Assambleiasy sailaidy.
Eske sala ketsek, konstitýtsiialyq merzimge sai ótkizgeli otyrǵan Májilis sailaýyna elimizde tirkelgen 5 saiasi partiia – «Aýyl» halyqtyq-demokratiialyq patriottyq partiiasy, «Nur Otan» partiiasy, «ADAL» saiasi partiiasy, Qazaqstannyń «Aq jol» demokratiialyq partiiasy, «Qazaqstannyń Halyq partiiasy» qatysyp jatyr.
Májiliske 5 partiiadan barlyǵy 312 kandidat, onyń ishinde: «Aýyl» halyqtyq-demokratiialyq patriottyq partiiasynan 19; «Nur Otan» partiiasynan 126; «ADAL» saiasi partiiasynan 16; Qazaqstannyń «Aq jol» demokratiialyq partiiasynan 38 jáne «Qazaqstannyń Halyq partiiasynan» 113 adam bar. Al jergilikti máslihattarǵa 832, onyń ishinde «Aýyl» HDPP-nan – 158, «Nur Otan» partiiasynan - 216, «ADAL» SP-nan – 215, «Aq jol» QDP-nan – 174, «Qazaqstan Halyq partiiasynan» 69 partiialyq tizim tirkeldi.
