Qaraǵandy qalasynyń eń qart turǵyndarynyń biri, Ekinshi dúniejúzilik soǵys ardageri, 97 jastaǵy Búrkit Esjanov Parlament Májilisine jáne barlyq deńgeidegi máslihattarǵa depýtattardy sailaýǵa qatysty, dep habarlaidy "Ult aqparat".
«Kógildir toǵandar» shaǵyn aýdanyndaǵy 77 JOBBM №169 sailaý ýchaskesine ol tańǵy saǵat 7-de jubaiymen birge keldi.
Ardagerdiń aitýynsha, ýchaske barlyq qajetti zattarmen jabdyqtalǵan, sanitarlyq talaptar saqtalǵan jáne daýys berý úshin yńǵaily jaǵdai jasalǵan.
«Sailaý – bizdiń bolashaǵymyzǵa, halyqtyń órkendeýine jol ashatyn qadam. Sondyqtan, ózimiz tańdaǵan partiiaǵa daýys berdik. Men sailaýǵa áielimmen keldim. Bizde bári jaqsy bolady dep oilaimyn», - dep atap ótti aqsaqal Búrkit Esjanov.
Qaraǵandy oblysyndaǵy barlyq sailaý ýchaskeleri múmkindigi shekteýli adamdardyń qajettilikterine jáne sanitarlyq talaptarǵa sáikes jabdyqtaldy.
