Qazaqstandyq Iýliia Pýtintseva Ábý-Dabi WTA 500 týrniriniń shirek finalyna shyǵa almady, dep habarlaidy "Ult aqparat".
Dúniejúzilik reitingte 28-orynda turǵan qazaqstandyq tennisshi ekinshi ainalymda álemniń 4-inshi, osy dodanyń 1-raketkasy, Aýstraliia ashyq chempionatynyń ótken jylǵy jeńimpazy, amerikalyq Sofiia Keninmen kúsh synasty.
Túbi máskeýlik S.Kenin 22-de bolsa, Iu.Pýtintseva jýyrda 26-ǵa tolǵan edi.
Birinshi partiiada esep 3:2 bolǵan mezette Iu.Pýtintseva breik jasai bildi – 4:2. Sosyn setke dop bergende, óz múmkindigin jibergen joq – 6:3.
Esesine ekinshi sette S.Kenin breikpen jasap ketti – 3:1. Degenmen qazaqstandyq tennisshi tarazy basyn teńestirip qana qoimai, ózi alǵa shyqty – 6:5. Sodan keiin matchqa dop bergende, utymdy sátti paidalana almady – 6:6. Tai-breikte amerikalyq sportshynyń joly boldy – 7:6 (7:5).
Úshinshi, sheshýshi partiiany Kenin breikpen bastaǵanymen, Iýliia sol boida ese qaiyrdy – 1:1. Esep 2:2 bolǵanda, Pýtintseva dop bergende, 40:0-men alǵa ketkenimen, birte-birte kúsh alǵan AQSh tennisshisi taǵy bir breikke qol jetkizdi. Taǵy bir breik – 5:2. Kenin matchqa dop bergende, Pýtintseva esepti qysqartty. Alaida Kenin úshinshi matchbolyn paidalana aldy – 6:4.
Asa tartysty ótken báseke 2 saǵat 43 minýtqa sozyldy.
S.Kenin jartylai finalǵa shyǵý úshin álemniń 22-raketkasy, grekiialyq Mariia Sakkarimen talasady. Ol úshinshi ainalymda reitingte 15-satydaǵy ispaniialyq, kezinde Rolan Garros jáne Ýimbldon týrnirlerin utqan Garbine Mýgýrýsany 7:5, 6:4 esebimen utty.
