«Astana Innovations» AQ basqarma tóraǵasynyń orynbasary, tsifrlandyrý jónindegi jumys tobynyń jetekshisi Asqar Taksimov qala turǵyndarynyń óziniń sailaý ýchaskesi týraly qalai málimet alatynyn túsindirdi, dep habarlaidy "Ult aqparat".
«Birinshiden, qala ákimdiginiń astana.gov.kz portalynyń basty betinde «Óz sailaý ýchaskeńdi tap» baneri boiynsha anyqtaýǵa bolady» - dedi A. Taksimov elorda ákimdigi baspasóz ortalyǵyndaǵy brifingide.
Ekinshiden, 109 telefony arqyly 24/7 rejiminde iKomek biryńǵai bailanys ortalyǵynan bilýge bolady. Operatorlar telefon qońyraýlaryna jaýap beredi, iKomek messendjerleri arqyly ótinimderdi qabyldaidy. Telegram -da @nursultanikomek109_bot chat-boty jumys isteidi; «iKOMEK109» mobildi qosymshasy (Play Store / App Store); Facebook: @ikomek109; elektrondy poshta poshta: 109@ikomekastana.kz; Instagram: @ikomek109.
Úshinshiden, Smart Astana mobildi qosymshasy (Android jáne iOS platformalarynda) arqyly qoljetimdi.
Tórtinshiden, @smartastana_bot Telegram chat-boty arqyly tekserýge bolady. Onyń aitýynsha, onlain rejimde sailaý ýchaskesiniń nómirin, ortalyqtyń ornalasqan jeri men ataýyn alýǵa bolady.
Sonymen qatar jaqynda sailaý ýchaskelerine jaqyn ornalasqan aialdamalar men qyzmet kórsetetin marshrýttardyń nómirleri týraly aqparat qoljetimdi bolady.
Budan buryn habarlanǵandai, Nur-Sultan qalasynda 354 sailaý ýchaskesi bar: 5 aýmaqtyq jáne 349 ýchaskelik.
