«ADAL» partiiasynyń tóraǵasy Serik Sultanǵali búgin ótip jatqan sailaýda daýys berdi, dep habarlaidy "Ult aqparat".
Partiia tóraǵasy elordadaǵy «Astana Opera» teatrynda ornalasqan №115 sailaý ýchaskesine kelip, óz tańdaýyn jasady.
«Bul sailaýdyń ózindik ereksheligi bar. Jalpy, halqymyzdyń saiasi deńgeiiniń kóterilgenin baiqaýǵa bolady. Sonymen qatar, osy naýqanda kóbine jastarǵa jol berilip otyr. Jastarymyz bilimdi ári bilikti. Olar qysqa merzimde barlyq salada ózderin tanyta aldy», - dedi S. Sultanǵali.
Partiia tóraǵasy osy sailaýdan keiin jaqsy nátije kútetinin atap ótti.
«Táýelsizdigimizdiń 30 jyldyǵyna aiaq bastyq. Osy oraida bir qýanatyn jaǵdai – jastarymyz saýatty. Eń negizgisi – olarda patriotizm sezimi bar», - dedi Serik Sultanǵali.
Eske sala ketsek, búgin Qazaqstan aýmaǵynda qurylǵan barlyq sailaý ýchaskesinde daýys berý júrip jatyr.
Depýtattardy sailaý boiynsha daýys berý Qazaqstan Respýblikasynyń aýmaǵynda jáne odan tysqary jerde qurylǵan 10 060 sailaý ýchaskesinde júrgizilip otyr. Sailaý komissiialary daýys berý orny men ýaqyty týraly der ýaqytynda aqparat berdi. Elorda ýaqytymen saǵat 08.00-de jaǵdai boiynsha elimizdegi 9 994 sailaý ýchaskesinde jáne shet memleketterdegi qazaqstan ókildikteri janyndaǵy 17 sailaý ýchaskesinde daýys berý bastaldy.
Konstitýtsiialyq merzimge sai ótip jatqan Májilis sailaýyna elimizde tirkelgen 5 saiasi partiia, atap aitqanda, «Aýyl» halyqtyq-demokratiialyq patriottyq partiiasy, «Nur Otan» partiiasy, «ADAL» saiasi partiiasy, Qazaqstannyń «Aq jol» demokratiialyq partiiasy, «Qazaqstannyń Halyq partiiasy» depýtattyq mandattan úmitti.
