Búgin QR Ortalyq sailaý komissiiasynyń tóraǵasy Berik Imashevtyń tóraǵalyǵymen komissiia otyrysy ótti.
Otyrysta 2019 jylǵy 9 maýsymǵa taǵaiyndalǵan Qazaqstan Respýblikasy Prezidentiniń kezekten tys sailaýynda Amangeldi Taspihovty Qazaqstan Respýblikasy Prezidenttigine kandidat retinde tirkeý týraly qaýly qabyldandy, dep habarlaidy "Ult aqparat".
Atalǵan qaýly jobasyn tanystyrǵan QR Ortalyq sailaý komissiiasynyń hatshysy Sábila Mustafinanyń aitýynsha, prezidenttikke kandidat Amangeldi Taspihov Almaty men Shymkentten basqa elimizdiń 15 óńirinen 122 770 azamattyń qolyn jinaǵan. Tekserý nátijesinde 119 577 rastalǵan qol anyqtaldy. Sonymen qatar A.Taspihov kandidat retinde tirkelý úshin Ortalyq sailaý komssiiasyna óziniń kiristeri men múlki jóninde deklaratsiia, tirkeýge kedergi keltiretin aýrýlardyń joqtyǵy týraly meditsinalyq qorytyndy tapsyrǵan.
Osyǵan qarai OSK Qazaqstan Respýblikasy Prezidentiniń kezekten tys sailaýynda Amangeldi Taspihovty Qazaqstan Respýblikasy Prezidenttigine kandidat retinde tirkeý týraly qaýly qabyldady.
«2019 jylǵy 9 maýsymǵa taǵaiyndalǵan Qazaqstan Respýblikasy Prezidentiniń kezekten tys sailaýynda Amangeldi Taspihov Qazaqstan Respýblikasy Prezidenttigine kandidat retinde tirkelsin; Prezidenttikke kandidat Amangeldi Taspihovqa tiisti kýálik berilsin; Prezidenttikke kandidat Amangeldi Taspihovtyń «Halyqtyq Jinaq Banki» aktsionerlik qoǵamyna arnaiy ýaqytsha shot ashý úshin tirkelýi týraly málimetter berilsin; buqaralyq aqparat quraldarynda Qazaqstan Respýblikasy Prezidenttigine kandidat Amangeldi Taspihovtyń tirkelgeni týraly habarlama jariialansyn», - delingen ol jariia etken OSK qaýlysynda.
QR Ortalyq sailaý komissiiasynyń músheleri qaýly jobasyna daýys berip, qujat biraýyzdan qabyldandy. Osydan keiin QR OSK tóraǵasy Berik Imashev prezidenttikke kandidat Amangeldi Taspihovqa tiisti kýálikti tabys etti.
Aita keteiik, 27 sáýirde Ortalyq sailaý komissiiasy QR Prezidenttigine kandidat Amangeldi Taspihovtyń QR Konstitýtsiiasy jáne «Qazaqstan Respýblikasyndaǵy sailaý týraly» Konstitýtsiialyq zańynyń talaptaryna sáikestigin anyqtaý týraly qaýly qabyldaǵan bolatyn.
