Ortalyq sailaý komissiiasy kezekten tys prezidenttik sailaýdy ázirleý men men ótkizýdiń negizgi is-sharalarynyń kúntizbelik josparyn bekitti, dep habarlaidy "Ult aqparat".
9 maýsymǵa belgilengen kezekten tys prezident sailaýyn ótkizýdiń negizgi is-sharalarynyń kúntizbelik jospary týraly Ortalyq sailaý komissiiasy tóraǵasynyń orynbasary Konstantin Petrov baiandady.
«Naýqannyń jekelegen kezeńderiniń uzaqtyǵyn aiqyndaý úshin «Qazaqstan Respýblikasyndaǵy sailaý týraly» Konstitýtsiialyq zańnyń 66-1-baby negizge alyndy. QR Prezidentiniń kezekten tys sailaýy jónindegi is-sharalardy ótkizý merzimderin Ortalyq sailaý komissiiasy belgileidi. Osy josparǵa sáikes, QR Prezidentiniń laýazymyna kandidattardy usyný sailaý taǵaiyndalǵannan kelesi kúni, iaǵni 2019 jylǵy 10 sáýirde bastalyp, aǵymdaǵy jyldyń 28 sáýirinde saǵat 18-00-de aiaqtalady.
Kandidattardyń sailaý jarnasy (2 mln 125 myń teńge) sailaýda jeńiske jetken jaǵdaida jáne sailaýshylardyń bes paiyz daýysyn alǵan jaǵdaida qaitarylady», - dedi K.Petrov.
video: Azattyq
