Ánshi Saiat Medeýovtiń jol apatyna túsip, jansaqtaý bóliminde jatqany týraly aqparat tarady, - dep habarlaidy Tengrinews.kz tilshisi "Ekspress K" saityna silteme jasap.
Bul týraly kompozitor, ánshi Erbol Spanaliev áleýmettik jelide jazǵan.
"Saiat baýyrymyz jol apatyna túsip, jansaqtaý bóliminde jatyr. Alladan duǵa tilep qoiyńyzdarshy, aǵaiyn. Aman-esen ortamyzǵa oral, baýyrym!", - dep jazdy Erbol Spanaliev.
Odan bólek, kompozitor Rústem Arslanov ta óziniń jelidegi paraqshasyna ánshiniń aman-esen saýyǵyp ketýin tilep jazba qaldyrdy.
Ázirge jol apatynyń qashan jáne qai jerde bolǵandyǵy týraly aqparat joq.
Aita keteiik, Saiat Medeýov Qurmanǵazy atyndaǵy ulttyq halyq aspaptar orkestri 8 naýryz merekesine orai uiymdastyratyn kontsertke qatysýy kerek bolǵan. Merekelik kesh 4 naýryzda saǵat 19:00-de orkestrdiń kontsert zalynda ótedi dep josparlanǵan.
Eske salaiyq, 2017 jyly 17 sáýirde ánshi Qarasai aýdanynyń №14 okrýgine Máslihat depýtaty bolyp sailanǵan bolatyn.
