Foto: Parlament baspasóz qyzmeti
Ortalyq sailaý komissiiasy "Aq jol" demokratiialyq partiiasynyń usynysy boiynsha májilis depýtaty Asqar Sadyqovty mandatynan aiyrý týraly sheshim qabyldady, dep habarlaidy "Ult aqparat".
Bul aqparat Ortalyq sailaý komissiiasynyń resmi saitynda jariialandy.
Habarlamada: "Qazaqstannyń "Aq jol" demokratiialyq partiiasy" qoǵamdyq birlestigi ulttyq keńesiniń 2024 jylǵy 1 shildedegi № 1 qaýlysyna sáikes Asqar Amanbaiuly Sadyqovtyń májilis depýtaty retindegi ókilettigi toqtatyldy" delingen.
Partiia jetekshisi Azat Perýashev bul sheshimniń sebebin túsindirip, ony "Sadyqovtyń depýtat mártebesine sáikes kelmeitin áreketteri" dep atap ótti.
Asqar Sadyqov 2023 jyly naýryz aiynda VIII sailanǵan májilis depýtaty retinde sailanǵan bolatyn. Ol 2013-2023 jyldary "Aq jol" partiiasynyń Aqtóbe oblystyq filialynyń tóraǵasy, al 2014-2023 jyldary Aqtóbe oblystyq máslihatynyń depýtaty qyzmetin atqarǵan.
Májilis jumysy barysynda Sadyqov túrli taqyryptarda depýtattyq saýaldar kóterip, syndarly pikirler bildirgen. Mysaly, ol Qazaqstannyń ulttyq áýe tasymaldaýshysy Air Astana kompaniiasyna baqylaý júrgizý máselesin kótergen bolatyn. Sondai-aq, kóktemde elimizdegi alkogol óndirisin "Eski Qazaqstannyń" adamdary qorǵap kelgenin málimdedi.
