Ulttyq ekonomika ministrligi ázirlegen zań jobasynda saiasi partiialardyń Májilis sailaýyna tirkeýden ótý shegin 5 paiyzǵa túsirý kózdelgen, dep habarlaidy "Ult aqparat".
Ulttyq ekonomika ministriniń orynbasary Álisher Ábdiqadyrov osyndai málimet aitty.
«Memleket basshysy Qasym-Jomart Toqaevtyń 7-shi shaqyrylǵan Parlamenttiń 1-shi sessiiasynyń ashylýynda bergen tapsyrmasy boiynsha zań jobasynda saiasi partiialardyń Parlament Májilisine sailaý kezinde tirkeýden ótý shegin 7-den 5 paiyzǵa túsirý kózdelgen. Sondai-aq, sailaý biýlletenderine «bárine qarsymyn» degen jazý engizý qarastyrylǵan», - dedi vedomstvo ókili.
Álisher Ábdiqadyrovtyń sózinshe, bul normalar tirkelgen partiialardy aldaǵy sailaýlarǵa qatysýǵa zańnamalyq turǵyda yntalandyryp, eldegi saiasi báskelestikti damytýǵa, sailaýdyń barlyq deńgeiinde halyqtyń barsha kandidatqa qarsylyǵyn bildirý quqyǵyn qamtamasyz etýge múmkindik beredi.
«Bul zań jobasy azamattardyń ózderiniń konstitýtsiialyq quqyqtaryn tolyqqandy iske asyrýǵa, jergilikti memlekettik organdardyń halyqtyń mutajdyǵy men problemalaryna qulaq asýyn kúsheitýge jáne «estitin memleket» tujyrymdamasyn tolyq kólemde iske asyrýǵa múmkindik dep topshylaimyz, - dedi Álisher Ábdiqadirov.
Buǵan deiin habarlaǵanymyzdai, Májiliste sailaý týraly zańnamaǵa engiziletin túzetýler tanystyrylyp jatyr. Zań jobasy boiynsha, ákimder sailaýyn alǵashqy eki jylda OSK qarjylandyrady.
