Saiasi mádenietti nyǵaitýda da ziialy qaýymnyń róli asa mańyzdy. Bul týraly búgin elimizdiń qoǵam ókilderimen kezdesken Senat Tóraǵasy Máýlen Áshimbaev aitty, dep habarlaidy QazAqparat.
«Sonymen qatar, úlken saiasi ózgerister sanadaǵy ózgeristerdi talap etedi. Joldaý saiasi liberalizatsiia úrdisin tezdetedi. Saiasi báseke, polemika, pikir alýandyǵy aldaǵy ýaqytta arta túsetini anyq. Bul daýryqpa daýdy emes, konstrýktivti dialogty kúsheitýge tiis. Liberalizatsiia úrdisi qarqyn alǵan saiyn qoǵamda mámilege kelý mádenieti men jaýapkershilikti arttyrý qajet», - dedi ol.
Senat Tóraǵasynyń aitýynsha, osyndai saiasi mádenietti nyǵaitýda da ziialy qaýymnyń róli asa mańyzdy.
«Prezidentimiz keshe sóziniń aiaǵynda «Jańa Qazaqstan – jańarý men jańǵyrý joly, búgingi býynnyń bolashaq urpaqqa amanaty» dedi. Qasym-Jomart Kemeluly Jańa Qazaqstandy birge órkendetýge shaqyrdy. Sol sebepti alda barshamyzdy aýqymdy jumys kútip tur. Búgin solardy aqyldasaiyq. Oilaryńyzdy ortaǵa salyńyzdar. Aitylǵan pikirler Parlamenttiń jumysynda eskeriletin bolady»,- dep túiindedi sózin Máýlen Áshimbaev.
