ساياسي مەدەنيەتتٸ نىعايتۋدا دا زييالى قاۋىمنىڭ رٶلٸ اسا ماڭىزدى. بۇل تۋرالى بٷگٸن ەلٸمٸزدٸڭ قوعام ٶكٸلدەرٸمەن كەزدەسكەن سەنات تٶراعاسى مەۋلەن ەشٸمباەۆ ايتتى, دەپ حابارلايدى قازاقپارات.
«سونىمەن قاتار, ٷلكەن ساياسي ٶزگەرٸستەر ساناداعى ٶزگەرٸستەردٸ تالاپ ەتەدٸ. جولداۋ ساياسي ليبەراليزاتسييا ٷردٸسٸن تەزدەتەدٸ. ساياسي بەسەكە, پولەميكا, پٸكٸر الۋاندىعى الداعى ۋاقىتتا ارتا تٷسەتٸنٸ انىق. بۇل داۋرىقپا داۋدى ەمەس, كونسترۋكتيۆتٸ ديالوگتى كٷشەيتۋگە تيٸس. ليبەراليزاتسييا ٷردٸسٸ قارقىن العان سايىن قوعامدا مەمٸلەگە كەلۋ مەدەنيەتٸ مەن جاۋاپكەرشٸلٸكتٸ ارتتىرۋ قاجەت», - دەدٸ ول.
سەنات تٶراعاسىنىڭ ايتۋىنشا, وسىنداي ساياسي مەدەنيەتتٸ نىعايتۋدا دا زييالى قاۋىمنىڭ رٶلٸ اسا ماڭىزدى.
«پرەزيدەنتٸمٸز كەشە سٶزٸنٸڭ اياعىندا «جاڭا قازاقستان – جاڭارۋ مەن جاڭعىرۋ جولى, بٷگٸنگٸ بۋىننىڭ بولاشاق ۇرپاققا اماناتى» دەدٸ. قاسىم-جومارت كەمەلۇلى جاڭا قازاقستاندى بٸرگە ٶركەندەتۋگە شاقىردى. سول سەبەپتٸ الدا بارشامىزدى اۋقىمدى جۇمىس كٷتٸپ تۇر. بٷگٸن سولاردى اقىلداسايىق. ويلارىڭىزدى ورتاعا سالىڭىزدار. ايتىلعان پٸكٸرلەر پارلامەنتتٸڭ جۇمىسىندا ەسكەرٸلەتٸن بولادى»,- دەپ تٷيٸندەدٸ سٶزٸن مەۋلەن ەشٸمباەۆ.
