Konstitýtsiiaǵa Prezidenttiń jaqyn týystarynyń joǵary laýazymdarǵa otyrýyna tyiym engiziledi. Zań kúshine engennen keiin Prezident týystary laýazymdaryn bosatady. Bul týraly QR Ádilet ministri Qanat Mýsin aitty, dep habarlaidy QazAqparat.
«Ministrler men olardyń orynbasarlary jaiynda aitqanymda keibir laýazymdardy ǵana atap ótken edim. Jalpy, Konstitýtsiiaǵa Prezidenttiń jaqyn týystaryna saiasi laýazymdarǵa ornalasýyna tyiym engiziledi. Saiasi laýazymdardyń tizimi barynsha keń. Oǵan belgili bir dárejedegi diplomatiialyq qyzmetkerler de kiredi. Olardy tolyq tizip shyqqan joqpyn. Saiasi laýazymdardy tizimi ashyq, qoljetimdi. Sondyqtan kez kelgen adam qarap, qorytyndy shyǵara alady», - dedi ministr Ortalyq kommýnikatsiialar qyzmetindegi baspasóz máslihaty barysynda.
Osy rette Qanat Mýsin BAQ ókilderiniń Prezidenttiń jaqyn bir týysynyń shet memlekette Elshi qyzmetin atqaryp júrgenine qatysty saýalyna jaýap berdi.
«Mundai tyiym engizilgennen keiin barlyǵy zańnamaǵa sáikes keltiriledi. Ol bul laýazymdy bosatady. Óitkeni, zańǵa sáikes ol bul qyzmetti atqara almaidy», - dedi ol.
