كونستيتۋتسيياعا پرەزيدەنتتٸڭ جاقىن تۋىستارىنىڭ جوعارى لاۋازىمدارعا وتىرۋىنا تىيىم ەنگٸزٸلەدٸ. زاڭ كٷشٸنە ەنگەننەن كەيٸن پرەزيدەنت تۋىستارى لاۋازىمدارىن بوساتادى. بۇل تۋرالى قر ەدٸلەت مينيسترٸ قانات مۋسين ايتتى, دەپ حابارلايدى قازاقپارات.
«مينيسترلەر مەن ولاردىڭ ورىنباسارلارى جايىندا ايتقانىمدا كەيبٸر لاۋازىمداردى عانا اتاپ ٶتكەن ەدٸم. جالپى, كونستيتۋتسيياعا پرەزيدەنتتٸڭ جاقىن تۋىستارىنا ساياسي لاۋازىمدارعا ورنالاسۋىنا تىيىم ەنگٸزٸلەدٸ. ساياسي لاۋازىمداردىڭ تٸزٸمٸ بارىنشا كەڭ. وعان بەلگٸلٸ بٸر دەرەجەدەگٸ ديپلوماتييالىق قىزمەتكەرلەر دە كٸرەدٸ. ولاردى تولىق تٸزٸپ شىققان جوقپىن. ساياسي لاۋازىمداردى تٸزٸمٸ اشىق, قولجەتٸمدٸ. سوندىقتان كەز كەلگەن ادام قاراپ, قورىتىندى شىعارا الادى», - دەدٸ مينيستر ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
وسى رەتتە قانات مۋسين باق ٶكٸلدەرٸنٸڭ پرەزيدەنتتٸڭ جاقىن بٸر تۋىسىنىڭ شەت مەملەكەتتە ەلشٸ قىزمەتٸن اتقارىپ جٷرگەنٸنە قاتىستى ساۋالىنا جاۋاپ بەردٸ.
«مۇنداي تىيىم ەنگٸزٸلگەننەن كەيٸن بارلىعى زاڭناماعا سەيكەس كەلتٸرٸلەدٸ. ول بۇل لاۋازىمدى بوساتادى. ٶيتكەنٸ, زاڭعا سەيكەس ول بۇل قىزمەتتٸ اتقارا المايدى», - دەدٸ ول.
