Saiasi qýǵyn-súrgin qurbandaryn tolyq aqtaý jónindegi memlekettik komissiia saiasi repressiiaǵa bailanysty terminder sózdigin jasamaqshy, dep habarlaidy QazAqparat.
Bul týraly Saiasi qýǵyn-súrgin qurbandaryn tolyq aqtaý jónindegi memlekettik komissiianyń jobalyq keńse jetekshisi Sabyr Qasymov Nur-Sultan qalasyndaǵy toptyq seminarda málim etti.
«Saiasi qýǵyn-súrgin qurbandaryn, kóteriliske qatysýshylardy, onyń ishinde eshbir tergeýsiz, sotsyz atylǵandardy tolyq aqtaý máselesi tyń ári kúrdeli jumys deýge bolady. Buǵan deiin kóteriliske qatysqany úshin ústinen protsessýaldyq qujattar rásimdelgenderdiń basym bóligi aqtaldy. Olar negizinen 58-bap boiynsha sottalǵan. Qalǵan sanattar boiynsha zańdyq turǵyda pysyqtap, saiasi aqtaý kerek», - degen jobalyq keńse jetekshisi árbir kóterilistiń týyndaý sebebine mán berý kerektigin eskertti.
«Kóterilisterdiń neden týyndaǵanyn aiqyndaý ózekti másele bolyp tur. Adamdar sol kezdegi biliktiń halyqqa qarsy terrory men ozbyrlyǵyn, tolassyz saiasi naýqandardyń zardabyn basynan ótkizip, qarsy jappai narazylyqtar jáne kóterilisterge shyqty. Olar ózderiniń tabiǵi áleýmettik múddesin qorǵady. Jaqyndap kele jatqan tragediiaǵa jol bermeýge tyrysty», - dedi zańger sarapshy.
Sondai-aq, ol atalmysh kezeńdegi kóterilisterge qatysýshylardy saiasi turǵydan aqtaýdyń quqyqtyq negizin qalyptastyrý boiynsha qandai jumystar jasalǵanyna toqtaldy.
«Arhivterde saqtalǵan qujattar, sovet ǵalymdary tarapynan jasalǵan baǵalaýlar ádette bul kóterilistiń bárin barynsha jaǵymsyz jaǵynan sipattaǵan. Olar negizinen «bandittik», «kontrervoliýtsiialyq», «ultshyl» kóterilister dep kórsetilgen. Qazirgi zertteýshilerdiń mindeti – solarǵa shynaiy, bolsheviktik, stalindik tapshyl dogmattardyń paiymynan azat baǵa berý. Biz halyqaralyq qundylyqtar men standarttardy negizge alamyz. Jobalyq keńse terminologiialyq sózdik jasaidy. Ony jasaýda zertteýshilerdiń, óńirlik komissiialardyń, jumys toptarynyń pikir-ustanymdary eskeriledi. Sizderge negizgi terminderdiń jańa túsindirmesin halyqaralyq standarttar men zamanaýi ádistemelerge sáikes terminder sózdigin usynyp, keste túrinde anyqtamasyn berý kerek», - dedi Sabyr Qasymov.
