ساياسي قۋعىن-سٷرگٸن قۇرباندارىن تولىق اقتاۋ جٶنٸندەگٸ مەملەكەتتٸك كوميسسييا ساياسي رەپرەسسيياعا بايلانىستى تەرميندەر سٶزدٸگٸن جاساماقشى, دەپ حابارلايدى قازاقپارات.
بۇل تۋرالى ساياسي قۋعىن-سٷرگٸن قۇرباندارىن تولىق اقتاۋ جٶنٸندەگٸ مەملەكەتتٸك كوميسسييانىڭ جوبالىق كەڭسە جەتەكشٸسٸ سابىر قاسىموۆ نۇر-سۇلتان قالاسىنداعى توپتىق سەميناردا مەلٸم ەتتٸ.
«ساياسي قۋعىن-سٷرگٸن قۇرباندارىن, كٶتەرٸلٸسكە قاتىسۋشىلاردى, ونىڭ ٸشٸندە ەشبٸر تەرگەۋسٸز, سوتسىز اتىلعانداردى تولىق اقتاۋ مەسەلەسٸ تىڭ ەرٸ كٷردەلٸ جۇمىس دەۋگە بولادى. بۇعان دەيٸن كٶتەرٸلٸسكە قاتىسقانى ٷشٸن ٷستٸنەن پروتسەسسۋالدىق قۇجاتتار رەسٸمدەلگەندەردٸڭ باسىم بٶلٸگٸ اقتالدى. ولار نەگٸزٸنەن 58-باپ بويىنشا سوتتالعان. قالعان ساناتتار بويىنشا زاڭدىق تۇرعىدا پىسىقتاپ, ساياسي اقتاۋ كەرەك», - دەگەن جوبالىق كەڭسە جەتەكشٸسٸ ەربٸر كٶتەرٸلٸستٸڭ تۋىنداۋ سەبەبٸنە مەن بەرۋ كەرەكتٸگٸن ەسكەرتتٸ.
«كٶتەرٸلٸستەردٸڭ نەدەن تۋىنداعانىن ايقىنداۋ ٶزەكتٸ مەسەلە بولىپ تۇر. ادامدار سول كەزدەگٸ بيلٸكتٸڭ حالىققا قارسى تەررورى مەن وزبىرلىعىن, تولاسسىز ساياسي ناۋقانداردىڭ زاردابىن باسىنان ٶتكٸزٸپ, قارسى جاپپاي نارازىلىقتار جەنە كٶتەرٸلٸستەرگە شىقتى. ولار ٶزدەرٸنٸڭ تابيعي ەلەۋمەتتٸك مٷددەسٸن قورعادى. جاقىنداپ كەلە جاتقان تراگەديياعا جول بەرمەۋگە تىرىستى», - دەدٸ زاڭگەر ساراپشى.
سونداي-اق, ول اتالمىش كەزەڭدەگٸ كٶتەرٸلٸستەرگە قاتىسۋشىلاردى ساياسي تۇرعىدان اقتاۋدىڭ قۇقىقتىق نەگٸزٸن قالىپتاستىرۋ بويىنشا قانداي جۇمىستار جاسالعانىنا توقتالدى.
«ارحيۆتەردە ساقتالعان قۇجاتتار, سوۆەت عالىمدارى تاراپىنان جاسالعان باعالاۋلار ەدەتتە بۇل كٶتەرٸلٸستٸڭ بەرٸن بارىنشا جاعىمسىز جاعىنان سيپاتتاعان. ولار نەگٸزٸنەن «بانديتتٸك», «كونترەرۆوليۋتسييالىق», «ۇلتشىل» كٶتەرٸلٸستەر دەپ كٶرسەتٸلگەن. قازٸرگٸ زەرتتەۋشٸلەردٸڭ مٸندەتٸ – سولارعا شىنايى, بولشەۆيكتٸك, ستاليندٸك تاپشىل دوگماتتاردىڭ پايىمىنان ازات باعا بەرۋ. بٸز حالىقارالىق قۇندىلىقتار مەن ستاندارتتاردى نەگٸزگە الامىز. جوبالىق كەڭسە تەرمينولوگييالىق سٶزدٸك جاسايدى. ونى جاساۋدا زەرتتەۋشٸلەردٸڭ, ٶڭٸرلٸك كوميسسييالاردىڭ, جۇمىس توپتارىنىڭ پٸكٸر-ۇستانىمدارى ەسكەرٸلەدٸ. سٸزدەرگە نەگٸزگٸ تەرميندەردٸڭ جاڭا تٷسٸندٸرمەسٸن حالىقارالىق ستاندارتتار مەن زاماناۋي ەدٸستەمەلەرگە سەيكەس تەرميندەر سٶزدٸگٸن ۇسىنىپ, كەستە تٷرٸندە انىقتاماسىن بەرۋ كەرەك», - دەدٸ سابىر قاسىموۆ.
