Saiasi qýǵyn-súrgin qurbandaryn tolyq aqtaý jónindegi memlekettik komissiianyń ekinshi otyrysynda jabyq arhiv qorlaryn kezeń-kezeńimen qupiiasyzdandyrý jónindegi kishi komissiia qurý týraly sheshim qabyldandy, dep habarlaidy "Ult aqparat".
Komissiia otyrysynda Mádeniet jáne sport ministri Aqtoty Raiymqulova saiasi qýǵyn-súrgin máseleleri jónindegi Arnaiy arhiv qoryn jáne Ulttyq jad institýtyn qurý boiynsha atqarylyp jatqan jumystar týraly málimet berdi.
Otyrysqa qatysýshylar Saiasi qýǵyn-súrginder jónindegi jabyq arhiv qorlaryn jan-jaqty zerdeleý jáne olardy kezeń-kezeńimen qupiiasyzdandyrý jónindegi kishi komissiia qurý jóninde sheshim qabyldady.
Memlekettik hatshy, atalmysh komissiianyń tóraǵasy Qyrymbek Kósherbaev vedomstvolyq jáne memlekettik arhivterdiń qyzmetin jetildirýge, arhivterdegi ǵalymdar men zertteýshilerdiń jumysy úshin qolaily jaǵdai jasaýǵa baǵyttalǵan birqatar tapsyrmalar berdi. Óńirlik komissiialardyń qyzmetin jandandyrý jáne olardyń qyzmetin qarjylandyrý, sondai-aq Memlekettik komissiia qyzmetiniń aqparattyq strategiiasyn qalyptastyrý mindetteri belgilendi.
