Saiasattanýshy Juldyzai Isqaqova konstitýtsiialyq reformaǵa bailanysty ótetin referendýmǵa arnap jańa sait ashýdy usyndy. Paiymynsha, ol saitta Ata zańnyń burynǵy nusqalary da berilýi kerek, dep habarlaidy QazAqparat.
«Menen bir tanysym qoldanystaǵy Konstitýtsiiamyzdyń mátinin jiberýimdi ótingen bolatyn. Internetten taýyp jiberý úshin 5 minýt ketti. Túrli siltemelerdi aqtardym. Zańǵa silteme bar bolǵanymen, ol zańnyń ózi joq degen siiaqty. Árine, Konstitýtsiianyń ózin tabý qiyn emes. Arnaiy sait bar. Al, Konstitýtsiiaǵa engizilgen ózgeristerdi tabý qiyndaý. Búgingi pikirtalas klýbynyń aiasynda arnaiy sait ashýdy usynamyn. Ol sait búkil jerge taratylýy kerek», - dedi ol «Sarap» eksperttik klýbynda ótken dóńgelek ústelde.
Aitýynsha, ol saitta Konstýttsiianyń burynǵy nusqasy men usynylyp otyrǵan ózgertýler qatar berilýi kerek. Halyq soǵan qarap, ózgeristerdiń mánin túsinýge múmkindik almaq.
«Halyqtyń onlain rejimde qoiyp jatqan saýaldaryna kásibi zańgerler bilikti jaýap berýi kerek. Sonda halyqtyń qoly qajet aqparatqa jetedi, referendým kezinde ne úshin daýys beretinderin túsinedi. Prezident usynǵan konstitýtsiialyq reforma qoǵamdyq kelisimniń jańa sheńberin, jańa oiyn erejesin aiqyndaidy. Konstitýtsiialyq tártip ádette biliktiń bassyzdyǵyna jol bermeidi jáne ol tártipti Konstitýtsiialyq sot kúzetedi. Ózgeristerde osy Konstitýtsiialyq sotty qalpyna kleltirý kózdelgen», - dedi sarapshy.
