Jiyrma birinshi ǵasyrdyń, jiyrma birinshi jylynda ótip jatqan saiasi naýqan erekshe. Mundai pikirdi Aqyn, Qazaqstan Jazýshylar Odaǵynyń múshesi Maraltai Raiymbekuly aitty, dep habarlaidy QazAqparat.
«Bul sailaýdyń ereksheligi áiel zatyna basymdyq berip otyr. Bul - dál qazirgi ýaqytta kerek nárse. Demokratiialyq memlekettiń ilgerleýin kórsetedi. Taǵy bir aitatyn nárse, ol - býynyń almasýy. Saiasatqa jastardyń kelýi qýantady. Barlyq nárse jańaryp turady. Osy turǵydan alǵanda men jastarǵa berilgen múmkindikterge qýanamyn. Bul ózin-ózi aqtaidy. Sebebi jastarda jańashyldyq bar. Olar qoǵam úshin kóp eńbek etedi dep oilaimyn»,- deidi aqyn.
Sonymen qatar, aqyn daýys berer aldynda bata berip, tilek tileginin aitty.
«Men keńes úkimeti kezinen bastap daýys berip kelem. Eshqashan sailaýǵa barmai qalǵan kezim bolǵan emes. Ata-analarmyz barlyq sharýany ysyryp qoiyp sailaýǵa baratyn. Jańa daýys bererdiń aldynda «bata» berip, betimdi sipadym. Tilegim bir. El aman, jurt tynysh bolsa eken. Jiyrma birinshi ǵasyrdyń, jiyrma birinshi jyly sailaýmen bastaldy. Muny jaqsylyqqa jorimyn», - deidi Maraltai Raiymbekuly.
