Túrkistan qalasyndaǵy «Farab» kitaphanasynda kásibi jáne qoǵamdyq jumysta ózin-ózi kórsete alǵan, ǵylym, saiasat, óner, sport salalary boiynsha aitarlyqtai jetistikterge jetken jastardy marapattaý is-sharasy ótti, dep habarlaidy «Ult aqparat» oblys ákimdiginiń baspasóz qyzmetine silteme jasap.
«Jyl úzdigi – 2022» sharasynda aldymen jas kásipkerlerdiń qoldarynan shyqqan buiymdarynyń kórmesi kópshilik nazaryna usynyldy.
Budan soń aýdandyq ishki saiasat bólimi «Jastar resýrstyq ortalyǵy» KMM basshysy A.Dúisenbekova ortalyqtyń jyl kóleminde atqarylyp jatqan jumystarynyń barysy týraly baiandama jasady. Aitýly jiynǵa aýdan ákimi Ǵ.Rysbekov qatysyp, igi tilegin bildirip, jyl úzdikterin marapattady.
«Bolashaǵyn oilaǵan halqymyz «Asyl tastan, aqyl jastan» dep árdaiym jastarǵa úlken senim artyp, olardyń ómirge degen qulshynysyna qanat bitirip otyrǵan. Memleket basshysynyń «Bizdiń bolashaǵymyz – jastar» degen jalyndy sózi men erekshe aialy qamqorlyǵy jastardyń jigerin ushtap, olardyń árbir iste biikterden kórinýine serpin berdi. Elimizde jumys jasap jatqan jastardyń qoǵamdy damytýdaǵy úlesi mol. Sondyqtan «Jastar qoǵamnyń qozǵaýshy kúshi» ekenin aitqym keledi», – dedi Ǵani Qurmashuly.
Búgingi tańda, aýdan ákimdiginiń «Jastar resýrstyq ortalyǵy» jastarmen tyǵyz jumys atqaryp keledi. Atalmysh ortalyq aýdan jastaryn patriottyq rýhqa tárbieleý, imandylyqqa baýlý baǵytynda birqatar is-sharalardy júzege asyrýda. Sonyń arqasynda jastardy otansúigishtikke, imandylyqqa baýlý, olardyń rýhani mádenietterin arttyrý siiaqty muratty isterde birqatar jetistikterge jetkenin aitýmyz kerek. Shara sońynda arnaiy daiyndaǵan kontserttik baǵdarlama usynylyp, jinalǵan kópshilikke kóterińki kóńil kúi syilady.
