Saýran aýdanynda jeńil ónerkásip salasy qarqyndy damyp keledi. Onyń ishinde jihaz ónimderin shyǵaratyn tsehtardyń qatary artyp, búginde aýdan turǵyndary turaqty jumyspen qamtylýda. Memleket basshysy Qasym-Jomart Toqaevtyń «ÁDILETTI MEMLEKET. BIRTUTAS ULT. BEREKELI QOǴAM» atty Joldaýynda kásibilik pen eńbekqorlyq qasietke ie adamdar qurmetke laiyq bolýy tiis ekendigin aityp, olarǵa qoldaý bildirgen bolatyn. Osy oraida, aýdannyń áleýmettik-ekonomikalyq damý úderisine úles qosyp júrgen aýyl azamattarynyń shaǵyn jáne orta biznespen ainalysýyna kóptegen múmkindikter qarastyrylǵan.
«AMANAT» partiiasy Túrkistan oblystyq filialynyń Atqarýshy hatshysy Beisen Tájibaev aýdanǵa qarasty Iassy aýyldyq okrýgine issaparmen baryp, «SEM BRAND» jihaz tsehynyń ujymymen kezdesý ótkizdi. Kásiporynnyń jumys barysymen tanysyp, qyzmetkerlerge elde oryn alyp jatqan saiasi ózgerister jaily túsindirme jumystaryn júrgizdi. Kezdesýge oblystyq máslihat depýtaty Nasiba Ataeva jáne aýdandyq máslihat hatshysy Meirambek Kúnpeisov te qatysty.
Atalǵan tseh biyl iske qosylǵan. Zamanaýi tehnologiiamen qamtamasyz etilgen kásiporynnyń aýmaǵy 3000 sharshy metrdi quraidy. Jylyna 80 myń oryndyq jáne 15 myń ústel óndiredi. Tseh direktory Babyr Sherehanuly aýdannyń 150 azamatyn turaqty jumyspen qamtyp otyr. Aitýynsha, kásiporyndy keńeitip mamandar sanyn 300-ge deiin arttyrý josparda bar. Saýrandyq ujymnyń ónimderi kórshi Qyrǵyzstan eline eksporttalady. Bolashaqta Túrkiia, Qytai jáne Resei elderimen qarym-qatynas ornatý kózdelýde. Atap óterlik, kásiporyn biyl tamyz aiynda Túrkistan qalasynda ótken «Qazaqstannyń úzdik taýary» óńirlik kórme-baiqaýyna qatysty. 80-nen astam taýar óndirýshilerdiń arasynan “Halyqqa arnalǵan úzdik taýarlar” nominatsiiasy boiynsha jeńimpaz atanǵan.
Jiyn barysynda B.Tájibaev jumysshylarmen erkin pikirlesip, memleket úshin mańyzdy oqiǵalarmen bólisti. Shaǵyn aýylda sapaly ónimderdi shyǵarýmen ainalysatyn ujymnyń eńbegine erekshe toqtalyp ótti.
«Taiaýda ǵana Astana qalasynda «AMANAT» partiiasynyń HHIV Sezi ótti. Onda birqatar máseleler qaralyp, partiianyń jańa Saiasi tuǵyrnamasy qabyldandy. Tuǵyrnama ózderińiz sekildi qarapaiym turǵyndardyń talap-tilegi men el Prezidentiniń reformalary negizinde ázirlendi. Sezge respýblika boiynsha 1200 adam qatyssa, sonyń 65-y Túrkistan oblysynyń azamattary boldy. Iaǵni sizderdiń amanattaryńyzdy arqalaǵan delegattar, búginde sol sharanyń ózekti tustarymen sizdermen bólisý ústinde. Sol saparda Memleket basshysynyń qatysýymen ótken Forýmda Q.K.Toqaevty qoldaýǵa arnalǵan halyqtyq koalitsiia qurylyp, quramyna bizdiń partiiadan bastap birqatar saiasi uiymdar men qoǵamdyq birlestikter endi. 20 qarasha kúni QR Prezident sailaýy ótetini belgili. Qazirgi tańda úmitkerler tirkeldi. Saiasi naýqanda azamattyq belsendilikterińizdi kórsetýge múmkindik týyp otyr. Ásirese ózderińiz sekildi eńbek adamdarynyń kózqarastary biz úshin óte mańyzdy», – degen Atqarýshy hatshy jiyndy qorytyndylady.
