Sáýir aiynda Qazaqstanda koronavirýsqa qarsy 1 millionnan astam azamatty vaktsinalaý josparlanýda. Bul týraly QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Sáýir aiynda Qazaqstanda 1 mln. astam azamatty COVID-19-ǵa qarsy vaktsinatsiialaý josparlanýda.
Respýblika boiynsha halyqty KVI-ge qarsy kezeń-kezeńimen vaktsinatsiialaý jalǵasýda.
Búgingi kúni elimizdiń óńirlerine 145 myń doza vaktsina jetkizildi. Al aǵymdaǵy jylǵy naýryzdyń sońyna deiin qosymsha 150 myń dozany jetkizý kútilýde.
2021 jylǵy 19 naýryzdaǵy jaǵdai boiynsha 100 myńnan astam adam egildi, onyń ishinde 63 myńnan astam meditsina qyzmetkeri, 22 myń pedagog, kúsh qurylymdarynyń 7 myń qyzmetkeri, 8 myń – azamattardyń basqa sanattary», - dep jazdy ministr Facebook-te.
A.Tsoidyń aitýynsha, immýndaýdan keiingi qolaisyz kórinisterdiń aýyr jaǵdailary tirkelgen joq.
«Bul rette egilgen adamdardyń 1%-ynda kútiletin reaktsiialar, mysaly, dene temperatýrasy kóterilgen tumaýǵa uqsas jai-kúiler, jalpy álsizdik, sondai-aq vaktsina engizilgen jerdiń isinýi jáne qyzarýy túrindegi jergilikti kórinister tirkelýde.
Halyqty odan ári immýndaý maqsatynda aǵymdaǵy jyldyń sáýir aiynda 1 mln. astam azamat vaktsinatsiialanatyn bolady.
Osyǵan bailanysty sozylmaly aýrýlary bar dispanserlik esepte turǵan, 65 jastan asqan adamdardy, sondai-aq azamattardyń basqa da sanattaryn qosa alǵanda, vaktsinatsiialaýǵa jatatyn halyq toptaryn keńeitý kózdelýde.
Vaktsinatsiia KVI-men kúresýdegi eń tiimdi shara bolyp tabylady», - dep túiindedi Densaýlyq saqtaý ministri.
