Er adam kinoteatrda popkornǵa qaqalyp qaitys boldy Er adam kinoteatrda popkornǵa qaqalyp qaitys boldy Almatyda qaldyqtardy kádege jaratý zaýytynyń qurylysy bastalady Almatyda qaldyqtardy kádege jaratý zaýytynyń qurylysy bastalady
U magazine

Sáýirde aýa raiy qandai bolady?

Ult portaly
Sáýirde aýa raiy qandai bolady?

Illiýstratsiia pixabay

Sinoptikter sáýirde kún kúrkirep, burshaq jaýyp, shańdy daýyl soǵyp turaqsyz aýa raiy saqtalady, soǵan qaramastan keide 35 gradýsqa deiin ystyq bolady dep boljady, - dep habarlaidy Tengrinews.kz tilshisi.

Sinoptikterdiń málimetinshe, eldiń basym bóliginde qar jamylǵysy qulap, soltústik oń temperatýraǵa turaqty kóshedi.

Sáýir aiynda Qazaqstannyń soltústik aimaqtarynda kún aitarlyqtai jyly bolady, jaýyn-shashynsyz aýa raiy kútiledi.

Eldiń batysynda Qara teńiz aýdandarynan tsiklonnyń áserinen ekpindi jel soǵyp, jańbyr jaýady. 5 sáýirden bastap tsiklon shyǵys baǵytta qozǵalyp respýblikanyń qalǵan aýmaǵynda aýa raiy turaqsyz bolady. Jaýyn-shashyn men qar kóbinese soltústik aimaqtarda bolsa, ońtústik aimaqtarda naizaǵai kútiledi. Elimizdiń basym bóliginde tuman, kóktaiǵaq jáne jeldiń ekpini 15-20 deiin, jekelegen kúnderi sekýndyna 23-28 metrge deiin kúsheiedi.

Kún sáýirdiń birinshi onkúndiginiń basynda jyly bolady:

  • respýblikanyń batysynda túnde 1-9 gradýstan 3-12 gradýsqa deiin, kúndiz 7-15 gradýstan 15-22 gradýsqa deiin jyly bolady;
  • Qazaqstannyń soltústiginde, soltústik-batysynda, shyǵysynda túnde minýs 5-3 gradýstan 7 gradýsqa deiin, kúndiz 2-10 gradýstan 5-13 gradýsqa deiin;
  • eldiń ortalyǵynda túnde minýs 5 gradýstan 2-7 gradýsqa deiin, kúndiz 6-11 gradýstan 13-18 gradýsqa deiin.

Sáýirdiń birinshi onkúndiginiń ortasynda antitsiklonnyń áserinen elimizdiń batysynda, soltústik-batysynda jáne soltústiginde aýa temperatýrasynyń qysqa merzimdi tómendeýi kútiledi. Temperatýra túnde minýs 5-3 gradýsqa, kúndiz 3-10 gradýsqa deiin tómendeidi.

Alaida respýblikanyń ońtústik jáne ońtústik-shyǵys óńirlerinde birinshi onkúndik ishinde túngi aýa temperatýrasynyń túnde 8-13 gradýsqa deiin, al kúndizgi aýa temperatýrasy 15-23 gradýstan 20-28 gradýsqa deiin aýysady.

Sáýirdiń ekinshi jáne úshinshi onkúndikterinde Qazaqstan aýmaǵyna Iran men Orta Aziia aýdandarynan jyly aýa massalary túsip, kúndiz soltústikte aýa temperatýrasyn 15-23 gradýsqa deiin, ońtústikte 28-35 gradýsqa deiin kóteredi.

Biraq temperatýranyń joǵary mánderine qaramastan, negizinen batys aimaqtarda jáne eldiń soltústik jartysynda atmosferalyq fronttardyń ótýimen aýa raiynyń turaqsyz sipaty boljanady. Jaýyn-shashyn, arty qarǵa ulasatyn jańbyr, burqasyn, tuman, kóktaiǵaq, sekýndyna 28 metrge deiin ekpindi jel kútiledi. Eldiń ońtústik jartysynda jekelegen kúnderi jańbyr jaýady, taýly jáne taý bókterinde aýa temperatýrasy tómendegen kezde qar jaýady.

Naizaǵai, burshaq, shańdy daýyl siiaqty qubylystar sáýir aiyna tán.

Kóktemniń ortasynda aýa temperatýrasynyń aitarlyqtai jylynýy sýyq kúnder bitti degen sóz emes. Respýblikanyń soltústik, ortalyq jáne shyǵys óńirlerinde sýyq aýa massalarynyń aǵyndary kezinde termometr túnde minýs 0-den  9 gradýsqa deiin, kúndiz 3-8 gradýsqa deiin, eldiń ońtústik óńirlerinde jáne batysynda túnde minýs 5-7 gradýsqa deiin, kúndiz 10-15 gradýsqa deiin tómendeýi múmkin.

Oqi otyryńyz