Sáýir aiynda barikalyq qurylymdardyń jii aýysýymen jáne atmosferalyq aǵyndardyń ótýine bailanysty jaýyn-shashyn, kóbinese jańbyr, jel jáne temperatýranyń aýytqýy kútiledi, dep habarlaidy "Ult aqparat" «Qazgidromet» RMK-nyń málimetterine silteme jasap.
Kásiporyn taratqan málimetterge qaraǵanda, birinshi onkúndiktiń basynda elimizdiń soltústik jartysynda aýa raiy túnde -5+5°C, kúndiz +7+18°S bolady. Ońtústik jartysynda túnde +5+13°C, kúndiz +15+23°S, ońtústik óńirdiń ózge aimaqtarynda +28°S.
Onkúndiktiń ortasyna taman Reseidiń Eýropalyq aýmaqtarynan antitsiklonnyń kelýine bailanysty aýa temperatýrasynyń soltústik jartysynda túnde -3-8°S, kúndiz +2+10°C bolady. Onkúndiktiń sońynda eldiń ońtústik jartysyna antitsiklon yqpal etip, aýa temperatýrasy tómendeidi. Túnde termometr baǵany +3+8°C-qa deiin, kúndiz +10+15°S-qa deiin, shetki ońtústiginde 22°S-qa deiin tómendeidi.
Ekinshi onkúndiktiń ortasynda jáne úshinshi onkúndiktiń ekinshi jartysynda kún sýyta túsedi: eldiń soltústik jartysynda túnde -3 +7°S, kúndiz +2+13°S; ońtústik jartysynda túnde 0, +10°, kúndiz + 12 +22°.
Ekinshi jáne úshinshi onkúndikte jyly aýa massalarynyń kelýinen aýa temperatýrasy kúndiz soltústik óńirlerde +17+22°S, ońtústik óńirlerde +25+30°S-qa deiin jylidy.
«Eskertý: sáýir aiyna arnalǵan konsýltativtik boljam sinoptikalyq jaǵdaidyń ózgerýine qarai túzetilýi múmkin jáne onkúndik boljamdarmen naqtylanatyn bolady»,-delingen habarlamada.
