Sáýir aiynyń sońynda Resei Federatsiiasy Federaldyq Jinalysy Federatsiia Keńesiniń tóraǵasy Valentina Matvienkomen Qazaqstanǵa keledi. Bul týraly Reseidiń Syrtqy ister ministri Sergei Lavrov málimdedi, dep habarlaidy "Ult aqparat".
«Sáýir aiynyń sońynda Federatsiia Keńesiniń Tóraǵasy Valentina Matvienkonyń Qazaqstanǵa sapary josparlanǵan. Bul da parlamenttik yntymaqtastyqtyń dáiekti damýyn kórsetedi», - dedi Sergei Lavrov.
Buǵan deiin habarlaǵanymyzdai, Nur-Sultanda QR Syrtqy ister ministri Muhtar Tileýberdi reseilik áriptesi Sergei Lavrovpen kezdesý ótkizip jatyr.
«Búginde eki el arasyndaǵy qatynastar barlyq baǵyttar boiynsha strategiialyq áriptestik pen odaqtastyq rýhynda qarqyndy damyp keledi. Qarqyndy saiasi dialog jolǵa qoiylǵan, bizdiń elderimizdiń Qaýipsizdik Keńesteri deńgeiinde parlamentaralyq yntymaqtastyq serpini qoldaý tabýda, tereń ekonomikalyq bailanystar ornyqqan. Ekonomikalyq integratsiia protsesi júieli túrde alǵa jyljyp keledi. Áskeri-tehnikalyq, mádeni-gýmanitarlyq jáne basqa da salalardaǵy yntymaqtastyq nátijeli damýda. Óńiraralyq bailanystar keńeiýde», - dedi kezdesýdi ashqan Muhtar Tileýberdi.
