23 jeltoqsanda Saýd Arabiiasynyń prokýratýrsy jýrnalist Jamal Hashoggidiń ólimine aiypty dep tanylǵan bes adamnyń ólim jazasyna kesilgenin habarlady.
Prokýratýranyń málimdeýinshe, taǵy úsh adam túrme jazasyna kesilgen. Sot jabyq ótip, jaýapqa tartylǵandardyń esimi jariialanbady.
AQSh-ta turǵan jýrnalist Hashoggi 2018 jyly qazanda Stambýldaǵy Saýd Arabiiasy elshiliginde óltirilgen.
AQSh Ortalyq barlaý basqarmasynyń (TsRÝ) sarapshylary Hashoggidi óltirýge tapsyrmany taq murageri Muhammed bin Salman ózi ǵana bere alady degen qorytyndyǵa kelgen. Muhammed bin Salman Hashoggi ólimine qatysy joǵyn aitady.
AQSh buǵan deiin Saýd Arabiiasynyń Hashoggidi óltirý operatsiiasyna qatysty delingen 17 azamatyna sanktsiia salǵan.
BUU Hashoggi óliminen keiin zertteý júrgizip, "jýrnalist Saýd Arabiiasynyń laýazymdy tulǵalary uiymdastarǵan aiaýsyz qastandyq qurbany bolǵan" dep málimdegen.
