Foto: Úkimet
Qazaqstan Respýblikasy Úkimetiniń qaýlysymen Aidar Ahmetbekuly Ábildabekov saýda jáne integratsiia vitse-ministri qyzmetine taǵaiyndaldy, dep habarlaidy Ult.kz Úkimettiń Baspasóz qyzmetine silteme jasap.
1970 jyly dúniege kelgen. Akademik E.Bóketov atyndaǵy Qaraǵandy memlekettik ýniversitetin, akademik A.Qýatbekov atyndaǵy halyqtar dostyǵy ýniversitetin bitirgen.
Eńbek jolyn 1996 jyly bastaǵan. Ár jyldary kommertsiialyq qurylymdarda jumys istedi, saýda salasynda kásipkerlik qyzmetpen ainalysty.
1998–2009 jyldary QR keden organdarynda inspektor, aǵa inspektor, bas inspektor, keden beketi bastyǵynyń orynbasary, bólim bastyǵy bolyp qyzmet atqarǵan.
2010–2022 jyldary QR Statistika agenttigi Qyzmet statistikasy basqarmasynyń bastyǵy, Almaty qalasy boiynsha Statistika departamenti bastyǵynyń orynbasary, Ońtústik Qazaqstan jáne Túrkistan oblysy, Almaty qalasy boiynsha Statistika departamentterin basqardy.
2022-2023 jyldary — QR Saýda jáne integratsiia ministrligi Saýda komiteti tóraǵasynyń orynbasary.
2023 jylǵy shildeden bastap qazirgi ýaqytqa deiin — QR Saýda jáne integratsiia ministrligi Saýda komitetiniń tóraǵasy.
