Foto: Ulysmedia.kz
Saýda jáne integratsiia ministrligi Qazaqstan taýarlaryna AQSh-tyń jańa tarifterine qatysty málimdeme jasady, dep habarlaidy Ult.kz.
2025 jyldyń 7 shildesinde AQSh Prezidentinen biylǵy jyldyń 1 tamyzdan bastap birqatar elderge, onyń ishinde Qazaqstanǵa qatysty jańa importtyq bajdar engiziletini týraly resmi habarlama kelip tústi. Qazaqstannan AQSh-qa eksporttalatyn ónimder úshin jetkizilimderdiń barlyq kólemine 25 paiyzdyq biryńǵai mólsherleme belgilengen.
"Alaida qazaqstandyq eksporttyń basym bóligi — munai, ýran, kúmis, ferroqorytpa, tantal jáne titan siiaqty negizgi shikizat pen strategiialyq taýarlar — jańa tarifterdiń qoldanystan alynýyna bailanysty jańa bajsyz jetkizilýin jalǵastyra beredi. Qabyldanǵan sharalar Qazaqstan eksportynyń shamamen 95 paiyzyna áser etpeidi dep kútilýde", - delingen habarlamada.
Qazaqstandyq taýarlarǵa boljamdy saýda rejimin saqtaý maqsatynda QR Úkimeti AQSh ákimshiligine ózara saýda sharttaryn jaqsartý jónindegi naqty sharalar men bastamalardy joldady.
"Qazaqstan maqsaty — naryqqa qol jetkizý jáne saýda sharttary máseleleri boiynsha kelisilgen sheshimder qabyldaý. Qazirgi ýaqytta Amerika taraby Qazaqstan usynystaryn qarastyrýda jáne kelissózderdi ótkizý kúni týraly habarlaidy. Qazaqstan ulttyq múddelerin qorǵaý jáne turaqty saýda-ekonomikalyq áriptestikti damytý maqsatynda Amerika tarapymen odan ári kelissózder júrgizýge daiyn", - deidi ministrlik.
