QR Saýda jáne integratsiia ministri Baqyt Sultanov azyq-túlik pen taýar baǵasynyń qymbattamaýy úshin qolǵa alynýy tiis sharalar týraly aitty, dep habarlaidy "Ult aqparat".
«Koronavirýs pandemiiasynyń kelesi tolqyny men jańa jyl qarsańyndaǵy dástúrli baǵanyń ósý qaýipin eskere otyryp, baǵany tejeý boiynsha mynadai sharalar qabyldaý usynylady. Birinshiden, ákimdikter turaqtandyrý qorlaryndaǵy azyq-túlik kólemi men túrlerin qaita qarap, «ainalym shemasy» boiynsha qarjylandyrýdy keńeitý kerek. Ekinshiden, Aýyl sharýashylyǵy ministrligi áleýmettik mańyzy bar azyq-túlik taýarlarynyń baǵasyn turaqtandyrý úshin Azyq-túlik korporatsiiasy bazasyndaǵy bidai rezervterin qadaǵalaýy qajet», - dedi Baqyt Sultanov Úkimet otyrysynda.
Úshinshiden, ministr ákimdikterge shekti ruqsat etilgen bólshek saýda baǵasyn belgileýdi usyndy. Sondai-aq, baǵalardyń negizsiz ósýin baqylap, shekti baǵanyń saqtalýyn qamtamasyz etý qajet.
