قر ساۋدا جەنە ينتەگراتسييا مينيسترٸ باقىت سۇلتانوۆ ازىق-تٷلٸك پەن تاۋار باعاسىنىڭ قىمباتتاماۋى ٷشٸن قولعا الىنۋى تيٸس شارالار تۋرالى ايتتى, دەپ حابارلايدى "ۇلت اقپارات".
«كوروناۆيرۋس پاندەميياسىنىڭ كەلەسٸ تولقىنى مەن جاڭا جىل قارساڭىنداعى دەستٷرلٸ باعانىڭ ٶسۋ قاۋٸپٸن ەسكەرە وتىرىپ, باعانى تەجەۋ بويىنشا مىناداي شارالار قابىلداۋ ۇسىنىلادى. بٸرٸنشٸدەن, ەكٸمدٸكتەر تۇراقتاندىرۋ قورلارىنداعى ازىق-تٷلٸك كٶلەمٸ مەن تٷرلەرٸن قايتا قاراپ, «اينالىم سحەماسى» بويىنشا قارجىلاندىرۋدى كەڭەيتۋ كەرەك. ەكٸنشٸدەن, اۋىل شارۋاشىلىعى مينيسترلٸگٸ ەلەۋمەتتٸك ماڭىزى بار ازىق-تٷلٸك تاۋارلارىنىڭ باعاسىن تۇراقتاندىرۋ ٷشٸن ازىق-تٷلٸك كورپوراتسيياسى بازاسىنداعى بيداي رەزەرۆتەرٸن قاداعالاۋى قاجەت», - دەدٸ باقىت سۇلتانوۆ ٷكٸمەت وتىرىسىندا.
ٷشٸنشٸدەن, مينيستر ەكٸمدٸكتەرگە شەكتٸ رۇقسات ەتٸلگەن بٶلشەك ساۋدا باعاسىن بەلگٸلەۋدٸ ۇسىندى. سونداي-اق, باعالاردىڭ نەگٸزسٸز ٶسۋٸن باقىلاپ, شەكتٸ باعانىڭ ساقتالۋىن قامتاماسىز ەتۋ قاجەت.
