23 qańtar, jeksenbi kúni iemendik hýsitterdiń «Ansar Allah» qozǵalysy Saýd Arabiiasynyń ońtústik-batysynda ornalasqan Djizan qalasyna ballistikalyq zymyranmen shabýyl jasady, dep habarlaidy QazAqparat ArabNews-ke silteme jasap.
«Hýsit kóterilisshileri Djizan qalasyna ballistikalyq zymyranmen aiaýsyz shabýyl jasady. Bul hýsitterdiń indýstrialdy aimaqtaǵy ártúrli ult ókilderiniń beibit turǵyndaryna shabýyl jasaýynyń úshinshi áreketi. Keltirilgen shyǵyn eseptelýde», - delingen Saýd Arabiiasy bastaǵan halyqaralyq koalitsiianyń málimdemesinde.
Shabýyl nátijesinde Sýdan Men Bangladesh azamattary bolyp tabylatyn eki sheteldik jaraqat aldy. Sondai-aq, materialdyq zalal týraly habarlandy. Saýd Arabiiasynda atylǵan zymyrannyń bólikteri Iemen shekarasyna jaqyn ornalasqan Djizan qalasynyń Ahad ál-Masariha ónerkásiptik aimaǵynda qulady.
Abý-Dabi Vashingtonnan hýsitterdi terroristik top dep tanýdy talap etti, al 22 qańtarda BAÁ Ishki ister ministrligi ushqyshsyz ushaqtar men jeńil sporttyq ushaqtardy jeke paidalanýǵa tyiym saldy. Iemende 2014 jyldyń tamyz aiynan beri úkimet kúshteri men hýsitter arasyndaǵy qaqtyǵys jalǵasýda. Ol óziniń eń belsendi kezeńine 2015 jyldyń naýryz aiynda Saýd Arabiiasy bastaǵan koalitsiianyń elge basyp kirýimen kirdi. Jeti jyldan astam ýaqyt boiy jalǵasyp kele jatqan qaqtyǵys álemdegi eń iri gýmanitarlyq daǵdarysty týdyrdy.
