"Ansar Alla" qozǵalysynyń iemendik kóterilisshileri (hýsitter) koroldik aýmaǵyna shabýyldaýyna bailanysty Saýd Arabiiasy BUU Qaýipsizdik keńesiniń otyrysyn ótkizýge shaqyrdy, dep habarlaidy Sputnik Qazaqstan agenttigi RIA Novosti-ǵa silteme jasap.
"Saýd Arabiiasynyń missiiasy hýsitterdiń beibitshilikti shaiqaltatyn shabýylyn synaý úshin Qaýipsizdik keńesiniń otyrysyn ótkizýge shaqyrady", - dep jazylǵan málimdemede.
Biraz buryn Saýd Arabiiasy energetika ministrligi Djiddanyń soltústigindegi munai ónimderin bólý stantsiiasyna jumanyń keshinde zymyran snariady túskenin, al Djizan aýdanyndaǵy "Ál-Muhtar" elektr stantsiiaiasyna granatometten oq atylǵanyn rastady. Saýd Arabiiasynyń aýmaǵyndaǵy jańa shabýyldar úshin jaýapkershilikti iemendik kóterilisshi-hýsitter óz moinyna aldy.
Ótken aptada Saýd Arabiiasynyń biligi 82 adamdy, sonyń ishinde iemendik úsh áskeri tutqyndy ólim jazasyna keskennen keiin hýsitter koroldik aýmaǵyna shabýyldy kúsheitti. Bul shabýyldar 29 naýryzda Er-Riiadta ótýge tiis iemenaralyq dialog qarsańynda bolyp jatyr. Bul jiynǵa Parsy shyǵanaǵynyń elderi hýsitterdi de shaqyrǵan. Alaida olar Saýd Arabiiasy Iemen qaqtyǵysynyń qarsy tarapy ekenin aityp, sharaǵa qatysýdan bas tartty.
