Foto: alash.kz
Saýd Arabiia biligi balalardyń qaýipsizdigi men densaýlyǵyn alǵa tartyp, olardyń Qaǵbaǵa kelýine tyiym saldy, dep habarlaidy 31-arnanyń “Informbiýro” baǵdarlamasy.
Endi úlken qajylyq – tek eresekterge, al balalar kishi qajylyqqa ǵana bara alady.
“15 jasqa tolǵan jáne joǵary azamattarǵa qajylyq vizasyn rásimdeýge ruqsat berdi. Osy jáne de ózge de talap shekteýlerdi eskerip otyrý kerek. Ol boiynsha sizdi aparýǵa bekingen kompaniiamen naqytalap alý qajet. Biz soǵan qatysty qajetti talaptardy, densaýlyq talaptaryn barlyǵyn joldaimyz”, – deidi QMDB qajylyq bólim meńgerýshisiniń orynbasary Syrym Qurmash.
Saýd Arabiiasy balalarǵa umra jasaýǵa jalpy tyiym salmaidy. Degenmen, keibir tehnikalyq talaptar men qosymsha tirkeý rásimderi bolýy múmkin.
Biyl qajylyq maýsymynda Qazaqstan boiynsha 14 kompaniiaǵa ruqsat berilgen. Bul tizimdi Múftiiattyń resmi saitynan kórýge bolady. Osy jyly qajylyqqa Saýd Arabiiasy Qazaqstanǵa 4 myń adamǵa ǵana kvota bólgen. Sondyqtan qajylyqqa barýdy josparlaǵan azamattardyń aqparatty resmi operatorlar men ýákiletti organdardan naqtylap alǵany jón.
