Foto: Oqý-aǵartý ministrligi
Borodýliha aýdany Jezkent mektep-litseiiniń 9-synyp oqýshysy Nurali Amangeldiev sybailas jemqorlyqqa qarsy «Satylmaityn Alpamys» atty kompiýterlik oiyn ázirledi. Oiynnyń basty maqsaty – oqýshylarǵa sybailas jemqorlyqtyń ziianyn túsindirip, oǵan qarsy turý mádenietin qalyptastyrý, dep habarlaidy Ult.kz.
"Oiyn kvest formatynda jasalǵan. Munda oiynshy ózine jasyryn agent nemese jýrnalist rólin tańdai alady. Sondai-aq tergeýdi kimge qatysty júrgizetinin de ózi sheshedi: sot, prokýror nemese memlekettik qyzmetshi. Oiyn barysynda ol ártúrli epizodtardan ótip, jemqorlyqqa qarsy áreketterdiń qyr-syryn meńgeredi jáne oiyn sońynda jemqorlyqty áshkereleidi", - delingen Oqý-aǵartý ministrliginiń habarlamasynda.
Qazirgi ýaqytta oiyn mektepte quqyq negizderi sabaǵynda tájiribe retinde qoldanylyp júr. Avtor bolashaqta bul jobany uialy telefondarǵa arnalǵan tegin qosymsha retinde úsh tilde usynýdy josparlap otyr. Osy maqsatta Nurali ótken jyly I respýblikalyq sybailas jemqorlyqqa qarsy jobalar baiqaýynda jeńip alǵan 1 000 000 teńge syiaqysyn oiyndy damytýǵa jumsaǵan. Sonymen birge oiynnyń ár kezeńine Abaidyń qara sózderin qosý arqyly onyń rýhani mazmunyn baiytýdy josparlap otyr. Bul oiynshylarǵa sheshim qabyldaýda tereń oi salýǵa baǵyttalǵan.
"Oiyn Qazaqstandaǵy naqty oqiǵalarǵa negizindelgen kórkem roman formatynda jasalǵan. Ár epizodta Qylmystyq kodekske túsindirme berilip, oqýshylardyń quqyqtyq saýaty arttyrylady. Al oiyn sońynda kóp upai jinaǵan oiynshy jeńimpaz atanady", – deidi Nurali.
«Satylmaityn Alpamys» – oqýshylardyń quqyqtyq saýattylyǵyn arttyryp, jemqorlyqqa qarsy minez-qulyqty qalyptastyrýǵa arnalǵan erekshe jobaǵa ainaldy.
