Sybailas jemqorlyqqa qarsy qyzmet Qairat Satybaldyulyna jáne basqa da tulǵalarǵa qatysty «Qazaqtelekom» AQ men «Kóliktik servis ortalyǵy» AQ qarajatyn asa iri kólemde urlaý faktileri boiynsha sotqa deiingi tergeýdi aiaqtady, dep habarlaidy "Ult aqparat" vedomstvonyń baspasóz qyzmetine silteme jasap.
"Is boiynsha kúdiktilerdiń beseýi tergeýden ótip jatyr, olardyń bireýi - qamaýda, ekeýi - úi qamaqta.
Tergeý barysynda zańsyz satyp alynǵan aktivter men aiyptalýshylardyń jalpy somasy 240 milliard teńgeden astam nemese 500 million AQSh dollarynan astam aqshalai qarajaty memleketke qaitaryldy" - delingen habarlamada.
Antikor málimetinshe, Satybaldyulyna qatysty salyq pen kedendik tólemderdi tóleýden jaltarý, qylmystyq kiristerdi zańdastyrý faktileri boiynsha qylmystyq ister qosymsha tergelip jatyr. Aiyptalýshylardyń basqa da zańsyz aktivterin izdeý belsendi túrde jalǵasýda.
"Elde jáne shetelde qosymsha jyljymaityn múlik, avtomobilder jáne jalpy somasy 400 milliard teńgeden astam nemese 900 million AQSh dollarynan astam aqshalai qarajat ornatylyp, jaqyn arada memleketke qaitarylatyn bolady" - deidi Antikor baspasóz qyzmeti.
