Tanymal syqaqshy ári jýrnalist Kópen Ámirbek aýyr syrqatqa shaldyqqan. Bul týraly aqyn, Qazaqstan Jazýshylar odaǵynyń múshesi Serik Seiitman Facebook paraqshasynda jazba qaldyrdy, - dep habarlaidy "Ult aqparat".
Onyń sózinshe, aǵamyzdyń emine qomaqty qarjy kerek eken.
"Uzynqulaqtan habardar bolarsyzdar, qazaqtyń kózi tiri klassigi Kópen Ámirbek aǵamyz syrqattanyp qaldy. Aty jaman aýrý ol kisini sońǵy eki-úsh ai ishinde qatty mazalap barady.
Astanadaǵy kópsalaly onkologiia aýrýlaryn emdeitin ortalyqta hirýrgiialyq otadan jáne QR Prezidenti Is basqarmasynyń Meditsinalyq ortalyǵyndaǵy bas gastroenterolog, meditsina ǵylymdarynyń doktory, professor B.R.Bimbetovtyń 2022 jylǵy 19 qazandaǵy usynysy boiynsha, sheteldik «Zdravnitsa Dmitriia Raevskogo» JShS emdeý ortalyǵynyń Astanadaǵy filialynan integrativtik terapiia alý úshin tekserilýden ótti.
Atalǵan Ortalyq úsh ailyq emdeý josparyn usynyp otyr: em-sharanyń quny 17 920 000 (on jeti million toǵyz júz jiyrma myń) teńgeni quraidy. Qalamgerde ondai qarjylyq múmkindik joqtyǵyna bailanysty aǵaiyn-týystar bastapqy emdeý isine ortadan qarajat shyǵardy. Qazir ol da túgesilip barady.
Sondyqtan bilik basyndaǵy El azamattary men isker top ókilderin osy jaǵdaiǵa bei-jai qaramai, múmkindiginshe qol ushyn sozýǵa shaqyramyz. Bailanys nómirimiz: +7 702 482 88 45", - delingen jazbada.
Aita keteiik, belgili qalamgerdiń "Aty joq kitap", "Alyp", "Tilim qyshyp barady", "Qysyr áńgime", "Aýyzbastyryq", "Myń bir mysal", "Nemeneńe jetisip kúlesiń?", "Ózińdi tanisyń ba?", "Saidaǵy qoishydan saraidaǵy patshaǵa deiin" atty ázil-syqaq, parodiia kitaptary bar.
