تانىمال سىقاقشى ەرٸ جۋرناليست كٶپەن ەمٸربەك اۋىر سىرقاتقا شالدىققان. بۇل تۋرالى اقىن, قازاقستان جازۋشىلار وداعىنىڭ مٷشەسٸ سەرٸك سەيٸتمان Facebook پاراقشاسىندا جازبا قالدىردى, - دەپ حابارلايدى "ۇلت اقپارات".
ونىڭ سٶزٸنشە, اعامىزدىڭ ەمٸنە قوماقتى قارجى كەرەك ەكەن.
"ۇزىنقۇلاقتان حاباردار بولارسىزدار, قازاقتىڭ كٶزٸ تٸرٸ كلاسسيگٸ كٶپەن ەمٸربەك اعامىز سىرقاتتانىپ قالدى. اتى جامان اۋرۋ ول كٸسٸنٸ سوڭعى ەكٸ-ٷش اي ٸشٸندە قاتتى مازالاپ بارادى.
استاناداعى كٶپسالالى ونكولوگييا اۋرۋلارىن ەمدەيتٸن ورتالىقتا حيرۋرگييالىق وتادان جەنە قر پرەزيدەنتٸ ٸس باسقارماسىنىڭ مەديتسينالىق ورتالىعىنداعى باس گاستروەنتەرولوگ, مەديتسينا عىلىمدارىنىڭ دوكتورى, پروفەسسور ب.ر.بيمبەتوۆتىڭ 2022 جىلعى 19 قازانداعى ۇسىنىسى بويىنشا, شەتەلدٸك «زدراۆنيتسا دميترييا راەۆسكوگو» جشس ەمدەۋ ورتالىعىنىڭ استاناداعى فيليالىنان ينتەگراتيۆتٸك تەراپييا الۋ ٷشٸن تەكسەرٸلۋدەن ٶتتٸ.
اتالعان ورتالىق ٷش ايلىق ەمدەۋ جوسپارىن ۇسىنىپ وتىر: ەم-شارانىڭ قۇنى 17 920 000 (ون جەتٸ ميلليون توعىز جٷز جيىرما مىڭ) تەڭگەنٸ قۇرايدى. قالامگەردە ونداي قارجىلىق مٷمكٸندٸك جوقتىعىنا بايلانىستى اعايىن-تۋىستار باستاپقى ەمدەۋ ٸسٸنە ورتادان قاراجات شىعاردى. قازٸر ول دا تٷگەسٸلٸپ بارادى.
سوندىقتان بيلٸك باسىنداعى ەل ازاماتتارى مەن ٸسكەر توپ ٶكٸلدەرٸن وسى جاعدايعا بەي-جاي قاراماي, مٷمكٸندٸگٸنشە قول ۇشىن سوزۋعا شاقىرامىز. بايلانىس نٶمٸرٸمٸز: +7 702 482 88 45", - دەلٸنگەن جازبادا.
ايتا كەتەيٸك, بەلگٸلٸ قالامگەردٸڭ "اتى جوق كٸتاپ", "الىپ", "تٸلٸم قىشىپ بارادى", "قىسىر ەڭگٸمە", "اۋىزباستىرىق", "مىڭ بٸر مىسال", "نەمەنەڭە جەتٸسٸپ كٷلەسٸڭ?", "ٶزٸڭدٸ تانيسىڭ با?", "سايداعى قويشىدان سارايداعى پاتشاعا دەيٸن" اتتى ەزٸل-سىقاق, پارودييا كٸتاپتارى بار.
