Sot Sátbaev qalasynda balany urlap alyp, zorlady dep aiyptalyp otyrǵan kúdiktini eki aiǵa qamaýǵa alý týraly sheshim shyǵardy, dep habarlaidy "Ult aqparat".
Tergeý sýdiasy Serik Isabaev videobailanys rejiminde otyrys ótkizdi. Sebebi karantin ýaqytynda sot ǵimaratyna tergeýge alynǵan adamdar ákelinbeidi. Onyń advokaty 58 jastaǵy kúdiktini qamaýǵa almaý jáne halyqtyń ashý-yzasyna bailanysty ony kúzetýdi ótingen. Sonymen birge qorǵaýshy óz qorǵaýyndaǵy kúdiktiniń birqatar aýrýy baryn da aitqan.
Sýdia keńesý bólmesinen shyqqannan keiin ony qamaýǵa alý týraly sheshim shyǵardy.
«Sot ony eki aiǵa qamaýǵa alý týraly sheshim shyǵardy. Merzim onyń ustalǵan ýaqytynan, iaǵni 23 shildeden bastalady», - dep habarlady sottan.
Eki aidan keiin tergeýshi osy is boiynsha úkim oqylýy úshin isti sotqa joldaýy kerek. Eger eki ai az bolsa bul merzim uzartylýy múmkin.
Esterińizge sala keteiik, 23 shildede Sátbaev politsiiasyna er adam bes jasar qyzynyń joǵalǵanyn aityp, aryzdanǵan bolatyn. Qyzdy izdeý jumystaryna jergilikti politsiia bóliminiń barlyq jeke quramy men júzden astam erikti qatysty.
Bala túnde kópqabatty úilerdiń birinen tabyldy. Bul shaharda úlken shý týǵyzdy.
Qazir qalada jaǵdai turaqtandy. Sátbaev kúndelikti rejimde ómir súrip jatyr.
