Sonymen qatar, 25 qańtarda Qaraǵandy oblysy PD baspasóz qyzmeti ókili qylmystyq is QR QK-niń 99-baby "Adam óltirý" boiynsha tergelip jatqanyn aitty. Politsiia bólimi bastyǵynyń tergeý jelisi boiynsha orynbasary Tahir Dúisembaev is qalaisha basqa bap boiynsha sotta qaralyp jatqanyn túsindirip berdi.
"Basynda tergeý toby oqiǵa ornyna baryp, pyshaq jaraqaty izderi bar máiitti tapqan kezde ári istiń mán-jaiy belgisiz kezde, bul derek "Kisi óltirý" 99-baby boiynsha tirkeldi. Biraq tergeý jáne oqiǵanyń barlyq mán-jaiyn anyqtaý, kýágerlerden jaýap alý barysynda prokýratýramen kelisilgen túrde bul bap "Abaisyzda adam ólimine ákep soqqan densaýlyqqa qasaqana aýyr ziian keltirý" 106-babynyń 3-bóligine qaita ózgerdi. Bul is boiynsha pikir bildirý suralǵan kezde (25 qańtar-shamamen avt.) Politsiia departamentiniń baspasóz qyzmetine QR QK 99-babynda kórsetilgen basyndaǵy anyqtama jiberilgen", - dedi Tahir Dúisembaev.
Sondai-aq, ol qylmystyq istiń baptaryn qaita qaraý úshin naqty sebepter bolǵanyn aitty. Olardyń biri - kúdikti jábirlenýshige ómirine qaýip tóndirmeitin dene múshesine bir ǵana pyshaq jaraqatyn salýy. Spikeriń aitýynsha, kúdikti ol jerde arteriia bar ekenin bilmeýi múmkin.
Jábirlenýshi tarap tergeýdiń mundai dálelderimen kelispeidi. Olar kúdiktiniń kisi óltirý nieti bar ekenine senimdi.
"Ol aldymen shabýyl jasap, kafe ashanasynan pyshaq alyp, ony 9 santimetr kóleminde suqqan. Ol pyshaqpen taǵy birneshe jaraqat salýy múmkin edi, biraq qonaqtar toqtatqan. Kýágerlerdiń biri muny rastaidy. Sonymen qatar, osydan keiin de ol urýdy jalǵastyrǵan. Kýágerler nege ekeni belgisiz bul áreketti toqtatpaǵan. Sodan keiin ol óz ústeline tynysh baryp otyrǵan. Aǵamdy kafege kelgenderdiń biri taýyp alyp, jedel járdem shaqyrǵan", - deidi marqumnyń ápkesi Nyshangúl Topshaq.
Aita ketý kerek, Dáýletbek Altynbekovke ólimge ákep soǵar jaraqat salǵan kezde kúdikti probatsiialyq baqylaýda bolǵan. 2020 jyly Sátbaev qalalyq soty ony qalanyń basqa turǵynynyń densaýlyǵyna qasaqana aýyr ziian keltirgeni úshin kináli dep tanyp, 4 jylǵa bas bostandyǵyn shekteýge úkim shyǵardy. Qylmystyq is materialdaryna sáikes, sol kezde de kúdikti jábirlenýshige kafede pyshaq jaraqatyn salǵan. Kezdeisoq kýágerdiń aralasýynyń arqasynda jábirlenýshi tiri qaldy. Ol aýrýhanaǵa kóp pyshaq jaraqatyn alyp tústi.
Eske salaiyq, budan buryn byltyr qarashada Sátbaev qalasynda kafede 28 jastaǵy Dáýletbek Altynbekov qaitys bolǵany habarlanǵan bolatyn. Ony pyshaqpen tanysy jaraqattaǵan. Ekeýiniń qarym-qatynasynda másele bolǵan. Jábirlenýshi kóp qan joǵaltyp, qaitys boldy. Marqumnyń týystary kúdiktiniń qasaqana adam óltirgeni úshin sottalýyn talap etedi.
