Karantin talabyna baǵynbaǵan Saryaǵash aýdanynyń turǵyny kelin túsirip, toiynda otshashý atqan, dep habarlaidy "Ult aqparat".
Oblystyq politsiia departamenti baspasóz qyzmetiniń málimetinshe, jas jubailardyń toiy Instagram-ǵa taraǵan. Ony Saryaǵash aýdandyq politsiia bóliminiń qyzmetkerleri áleýmettik jelide baiqap qalyp, toi uiymdastyrǵan turǵyndy anyqtaǵan.
Tártip saqshylary men aýdandyq jergilikti organdarynan qurylǵan mobildi top qyzmetkerleri oqiǵa ornyna baryp, teksergen. Nátijesinde beinejazba Saryaǵash qalasynda túsirilgeni anyqtalyp, toi iesine tiisti sharalar qoldanyldy.
«Taýarlar men kórsetiletin qyzmet sapasyna baqylaý basqarmasynyń qyzmetkerleri toi ótkizgen azamatqa qatysty QR ÁQBtK-niń 425-baby «Halyqtyń sanitariialyq-epidemiologiialyq salamattylyǵy salasyndaǵy zańnama talaptaryn, sondai-aq gigienalyq normativterdi buzý» boiynsha ákimshilik hattama toltyryldy. Túrkistan oblysynyń politseileri oblys turǵyndaryna elimizde engizilgen karantin talaptaryn saqtap, árbir azamattyń óz ómiri men densaýlyǵyna asa jaýapkershilikpen qaraýǵa shaqyrady», delingen habarlamada.
