Túrkistan oblysynyń Saryaǵash aýdanynda tsifrlandyrý baǵdarlamasy qarqyndy túrde júzege asyrylýda. Tuńǵysh Prezident Nursultan Nazarbaev bekitken «Tsifrlyq Qazaqstan» memlekettik baǵdarlamasy aiasynda Saryaǵash aýdanynda «Smart city – Saryagash» jobasy ázirlendi. Ondaǵy basty mindet – Saryaǵashty aqyldy qalaǵa ainaldyrý.
«Smart city – Saryagash» 14 jobadan turady, onyń ishinde «aqyldy» jaiaý júrginshiler jolaǵy jobasy bar. Bul jobanyń bastaýy Ismailov pen Ermekov kósheleriniń qiylysynda paida boldy. Jergilikti turǵyndar «aqyldy jaiaý júrginshiler jolaǵynyń» artyqshylyqtaryn oń qabyldady. Olardyń aitýynsha, keshki serýenge shyǵý jáne jaiaý júrginshiler jolaǵynan ótý álde qaida qaýipsiz ári tiimdi bolmaq.
«Aqyldy» jaiaý júrginshiler jolaǵy jobasynyń mindeti – jaiaý júrginshiler joldarynda qaýipsizdikti saqtaý. Jobanyń ereksheligi, jaiaý júrginshilerdiń qoǵalysyn sezetin «datchigter» ornatylǵan. Túngi ýaqytta jolaqtyń jaryq kólemi artyp, júrgizýshi aldaǵy kedergini aldyn ala kórip, kólikti toqtata alady. Al, jaiaý júrginshi sol joldan kaýipsiz óte alatyn bolady.
«Intellektýaldy jaiaý júrginshiler jolaǵy» jobasy Nur-sultan, Atyraý, Qostanai qalalary boiynsha da júzege asyp jatyr. «Aqyldy» qalalardyń jahandyq reitingteriniń birine kiretin Qazaqstan qalalarynyń ishinde Nur-sultan, Almaty qalalary kósh bastap tur. Al, 2018 jyldyń qorytyndysy boiynsha Almaty qalasy, Sankt-Peterbýrg, Rio-de-Janeiro, Keiptaýn siiaqty basqa qalalardy basyp ozyp, 165 qalanyń ishinen 118-oryndy ielengen.
Sonymen qatar, 2018 jylǵy «Innovation Cities Index» reitinginde Almaty qalasy 400 oryndy, Nur-sultan qalasy 500 qala ishinen 460 oryndy ielendi. Sondai-aq, Ortalyq Aziiadaǵy alǵashqy qalalardyń biri Nur-sultan qalasy aqyldy qalanyń jetilýin baǵalaý modeline negizdelgen (Smart City Maturity) «IDC Smart City» halyqaralyq reitingine engen.
