Túrkistan oblysy Saryaǵash aýdanynda «Qyz uzatý» toiyn jasaǵan turǵynǵa aiyppul salyndy. Moblildi top músheleri 100-ge jýyq adam jinalǵan toidy tarqatyp, qonaqtardy qaitarǵan, dep habarlaidy Oblystyq PD baspasóz qyzmeti.
Oblystyq PD baspasóz qyzmetiniń málimetinshe, halyqtyń kóptep shoǵyrlanýyna jol bergen ári karantin talaptaryn oryndamaǵan toihana iesi men toi iesine qatysty ákimshilik hattama toltyrylǵan.
Is-qujattar rásimdelip, Saryaǵash aýdandyq SEBB-na joldanǵan. Karantin talaptarynyń saqtalýyn qadaǵalaý maqsatynda aýdandyq APB qyzmetkerleri men jergilikti atqarýshy organdarynan mobildik toptar qurylyp, qarqyndy jumys júrgizýde. Sonyń nátijesinde 1479 ákimshilik quqyq buzýshylyq anyqtalyp, jinaqtalǵan is-qujattar aýdandyq taýarlar men kórsetilgen qyzmetterdiń qaýipsizdigin baqylaý basqarmasyna joldanǵan.
