Ońtústik Qazaqstan oblysy Saryaǵash aýdanynda kún sáýlesinen elektr energiiasyn óndiretin stantsiianyń qurylysy bastaldy. Saǵatyna 20 mVT toq shyǵaratyn zamanaýi nysannyń irgetasy Jylǵa aýyldyq okrýginde qalanyp otyr, dep habarlaidy "Ult aqparat" óńir basshysynyń baspasóz qyzmetine silteme jasap.
Qurylystyń saltanatty ashylý rásimine Saryaǵash aýdanynyń ákimi Qairat Abdýaliev, aýdandyq maslihat hatshysy Jánibek Súleimenov, «EkoProTeh-Astana» JShS direktory Nazirjon Temirov jáne Jylǵa aýylynyń bir top turǵyndary qatysty.
Jalpy quny 14 mlrd. teńgeni quraityn jobany iske asyrýdy «EcoProTech-Astana» JShS qolǵa alyp otyr. Qurylys jumystarynyń jalpy jer aýmaǵy 41 gektardy quraidy.
Aita keteiik, «EcoProTech-Astana» JShS quryltaishysy germaniialyq «DAY ENERGY GmbH» kompaniiasy. Atalǵan mekeme energiiany jańartý salasyndaǵy jobalardy damytý men fotovolttyq paneldi jáne sý energiiasyn óndirýge negizdelgen. Kún sáýlesinen óndirilgen elektr energiiasyn temirjol salasyna qoldaný jobasy álemde alǵash ret qolǵa alynyp otyr.
Qazirgi tańda «EcoProTech-Astana» JShS-gi memlekettik saraptama qortyndysyn alyp, jobany qarjylandyrý úshin banktermen kelisim-shart jasasyp jatyr. Sondai-aq, olar jobaǵa qajetti qural-jabdyqtardy jetkizip beretin kompaniialarmen kelisim jasasyp, alǵashqy qarjylaryn aýdaryp ta qoiǵan.
