24 qańtardaǵy meteorologiialyq jaǵdaiǵa sáikes, Qazaqstannyń 14 qalasynda atmosferanyń lastanýy baiqalady, dep habarlaidy "Ult aqparat" «Qazgidrometke» silteme jasap.
Sinoptikterdiń aitýynsha, qolaisyz meteojaǵdai Astana, Aqtaý, Aqtóbe, Almaty, Qaraǵandy, Qostanai, Kókshetaý, Aqsý, Ekibastuz, Pavlodar, Petropavl, Taraz, Óskemen jáne Shymkent qalalarynda baiqalady.
Atyraý, Qyzylorda, Aqsai, Oral, Taldyqorǵan qalalarynda jaǵdaidyń nasharlaýyna atmosferany lastaýshy zattardyń taralýy sebepshi bolǵan.
Aýanyń lastanýyna boljam jasaýda atmosferadaǵy ziiandy (lastaýshy) zattardyń jinalýyna yqpal etetin meteorologiialyq faktorlar (tynysh, baiaý jel, tuman, inversiia) eskeriledi. Bul jaǵdaida eldi mekenderdegi atmosferalyq aýanyń sapasy nasharlap ketedi.
Eske sala ketsek, buǵan deiin Qazgidromet birqatar qalada aýanyń lastanýyna baqylaý júrgize bastaǵan bolatyn.
