Áleýmettik jeli men messendjerlerde koronavirýs infektsiiasyna qatysty taǵy bir jalǵan aqparat tarady. Bul joly Telegram messendjerinde qazaqstandyqtar dáriger Ramin Imanovtyń sóilegen sóziniń videosyn tarap jatyr, - dep habarlaidy Sputnik Qazaqstan.
Videoda COVID-19 – bul ýlaný, SARS-CoV-2 virýsy joq, al aýrýhanalardaǵy dárigerler ólim-jitimdi arttyrý úshin patsientterdi jasandy tynys alý apparattaryna qosady delingen. StopFake.kz bul aqparatty joqqa shyǵaryp, mán-jaidy túsindirdi.
"Ramin Imanov – himtreilder teoriiasy siiaqty qastandyq teoriialaryn jaqtaityn málimdemelerimen tanymal ýkrainalyq dáriger. Buǵan deiin ýkraindyq fatkchekerler onyń COVID-19 virýstyq aýrý emes, ushaqtar shashatyn berillii foridimen ýlaný degen pikirin joqqa shyǵarǵan", - dep habarlady StopFake.
Ramin Imanov Sars-CoV-2 virýsyn ol joq dep málimdep, jappai ýlaý nusqasyn qoldaidy. Bul teoriia birneshe ret teriske shyǵaryldy. SARS-CoV-2 koronavirýsynyń genomy Qytaida 2020 jyldyń qańtarynda, sodan keiin basqa elderde tolyǵymen anyqtaldy.
"COVID-19 aýyr túrde aýyrǵan adamdardy tynys alýǵa kómektesý úshin jasandy tynys alý qurylǵylaryna qosady. Jasandy tynys alý apparattaryna qosý – dárigerler barlyq basqa amaldar taýsylǵan kezde ǵana júginetin tótenshe shara", - dep túsindirdi mamandar.
Qazaqstandyq jalǵan aqparatpen kúresýshiler doktor Imanovtyń COVID-19 S vitamininiń kómegimen emdeý týraly sózderine de senýge bolmaitynyn aitty.
"Álemdik ǵalymdar bul vitaminniń aýrýǵa qalai áser etetinin zerttedi. Olar S vitamini paidaly bolǵanymen, ony qoldaný COVID-19 jáne pnevmoniiany emdeýge aitarlyqtai áser etpeidi degen qorytyndyǵa keldi", - dep jazdy StopFake.kz.
Aita keteri, COVID-19 belgileri baiqalsa, jalǵan aqparat jeteginde ketpei, tekserilgen aqparatqa senip, meditsina qyzmetkerlerine júginý qajet.
